ബിനു അടിമാലിയുടെ ചെമ്മീൻ ഡയലോഗ് കേട്ട് ചിരിയടക്കാനാകാതെ സ്വാസികയും നോബിയും; സ്റ്റാർ മാജിക്കിലെ ‘ചിരി അബദ്ധ’ങ്ങൾ- വിഡിയോ
മലയാളികൾക്ക് ഒട്ടേറെ ഹാസ്യ നിമിഷങ്ങൾ സമ്മാനിക്കാറുള്ള ഷോയാണ് ഫ്‌ളവേഴ്‌സ് ചാനലിൽ സംപ്രേഷണം ചെയ്യുന്ന സ്റ്റാർ മാജിക്. സീരിയൽ- സിനിമാതാരങ്ങൾ അണിനിരക്കുന്ന പരിപാടിയിൽ രസകരമായ ഗെയിമുകളുമുണ്ട്. സിനിമാ- സാംസ്‌കാരിക രംഗത്തെ മുൻനിര താരങ്ങൾ സ്റ്റാർ മാജിക്കിൽ അതിഥികളായി എത്താറുമുണ്ട്.
ഇപ്പോഴിതാ, എല്ലാവരെയും ചിരിപ്പിക്കുന്ന ഷോയിൽ സ്കിറ്റുകൾക്കിടയിൽ ചിരി വിടർന്ന അബദ്ധങ്ങൾ ശ്രദ്ധനേടുകയാണ്. ചെമ്മീൻ സിനിമയുടെ കോമഡി വേർഷൻ സ്കിറ്റിലൂടെ അവതരിപ്പിക്കുകയായിരുന്നു ബിനു അടിമാലിയും, നോബിയും, സ്വാസികയും.
രസകരമായ ഡയലോഗുകളിലൂടെയായിരുന്നു സ്കിറ്റ് മുന്നേറിയത്. എന്നാൽ ചിത്രത്തിൽ സത്യൻ അവതരിപ്പിച്ച പളനിയായി എത്തിയ ബിനു അടിമാലിയുടെ ഡയലോഗുകൾ കേട്ട് നോബിക്കും സ്വാസികയ്ക്കും ചിരിയടക്കാനായില്ല. സ്കിറ്റിനിടയിലെ ഈ ചിരി അബദ്ധങ്ങളാണ് ഇപ്പോൾ ശ്രദ്ധനേടുന്നത്.
Story highlights- star magic blooper video
