തിയേറ്റർ റിലീസ് പ്രഖ്യാപിച്ച് ആസിഫ് അലി നായകനായ ‘എല്ലാം ശരിയാകും’
ആസിഫ് അലിയും രജിഷ പ്രധാന കഥാപാത്രങ്ങളെ അവതരിപ്പിക്കുന്ന ചിത്രമാണ് ‘എല്ലാം ശരിയാകും’.മലയാളികൾക്ക് എന്നും മികച്ച ചിത്രങ്ങൾ സമ്മാനിച്ചിട്ടുള്ള ജിബു ജേക്കബാണ് എല്ലാം ശരിയാകും സംവിധാനം ചെയ്തിരിക്കുന്നത്. കോളേജ് രാഷ്ട്രീയ പശ്ചാത്തലത്തിൽ ഒരുക്കിയിട്ടുള്ള ചിത്രം തിയേറ്റർ റിലീസിന് ഒരുങ്ങുകയാണ്. സെപ്റ്റംബർ പതിനാലിന് ചിത്രം റിലീസ് ചെയ്യാനാണ് അണിയറപ്രവർത്തകർ തീരുമാനിച്ചിരിക്കുന്നത്.
ജൂൺ നാലിന് റിലീസ് പ്രഖ്യാപിച്ചിരുന്ന ചിത്രം കൊവിഡ് പ്രതിസന്ധികളെ തുടർന്ന് നീളുകയായിരുന്നു. അതേസമയം, മരക്കാർ, കുഞ്ഞെൽദോ തുടങ്ങിയ ചിത്രങ്ങൾക്ക് പിന്നാലെയാണ് ‘എല്ലാം ശരിയാകും’ റിലീസ് പ്രഖ്യാപിച്ചത്. തോമസ് തിരുവല്ല, ഡോ. പോള്‍ വര്‍ഗീസ് എന്നിവര്‍ ചേര്‍ന്നാണ് ചിത്രത്തിന്റെ നിര്‍മാണം. ഷാരിസ് ചിത്രത്തിന് തിരക്കഥ ഒരുക്കിയിരിക്കുന്നത്.
Read More: പ്രണയാര്‍ദ്ര ഗാനത്തിന് ചുവടുവെച്ച് തങ്കച്ചനും അനുവും
മികച്ച പ്രേക്ഷക സ്വീകാര്യത നേടിയ ‘അനുരാഗ കരിക്കിന്‍വെള്ളം’ എന്ന ചിത്രത്തിന് ശേഷം ആസിഫ് അലിയും രജിഷ വിജയനും ഒരുമിക്കുന്ന ചിത്രം എന്ന പ്രത്യേകതയുമുണ്ട് ‘എല്ലാം ശരിയാകും’ എന്ന സിനിമയ്ക്ക്. ഔസേപ്പച്ചനാണ് ചിത്രത്തിന്റെ സംഗീതം ഒരുക്കുന്നത്. ബി കെ ഹരിനാരായണന്റേതാണ് ചിത്രത്തിലെ ഗാനങ്ങളുടെ വരികള്‍. ശ്രീജിത് നായര്‍ ഛായാഗ്രഹണം നിര്‍വഹിക്കുന്നു. കുടുംബ പശ്ചാത്തലത്തില്‍ ഒരുങ്ങുന്ന ചിത്രമാണ് ‘എല്ലാം ശരിയാകും’.
Story highlights- ellam shariyakum movie release announced
