ചക്കപ്പഴത്തിലെ കണ്ണന് ഒരു ക്യൂട്ട് അനുകരണം- ശ്രദ്ധനേടി മൂന്നു വയസുകാരന്റെ പ്രകടനം; വിഡിയോ
കുറഞ്ഞ സമയത്തിനുള്ളിൽ മലയാളികളുടെ ഇഷ്ടംനേടിയ ജനപ്രിയ സിറ്റ്കോം ആണ് ചക്കപ്പഴം. ഉത്തമനും, ആശയും, പൈങ്കിളിയുമെല്ലാം പ്രേക്ഷകരുടെ പ്രിയപ്പെട്ട കഥാപത്രങ്ങളായി മാറി. ഒരു കൂട്ടുകുടുംബത്തിലെ നിമിഷങ്ങൾ രസകരമായി അവതരിപ്പിക്കുന്ന ചക്കപ്പഴത്തിലെ എല്ലാ കഥാപാത്രങ്ങൾക്കും ആരാധകർ ഉണ്ടെങ്കിലും കണ്ണനായി എത്തുന്ന മുഹമ്മദ് റയ്ഹാന് ടെലിവിഷൻ പ്രേക്ഷകർക്കിടയിൽ പ്രത്യേക സ്ഥാനമുണ്ട്. പൈങ്കിളിയായി എത്തുന്ന ശ്രുതി രജനികാന്തിന്റെ മകന്റെ വേഷത്തിലാണ് മുഹമ്മദ് റയ്ഹാൻ എത്തുന്നത്. റയ്ഹാന്റെ ഡയലോഗുകളെല്ലാം സമൂഹമാധ്യമങ്ങളിൽ ഹിറ്റാണ്.
ഇപ്പോഴിതാ, റയ്ഹാന്റെ ഹിറ്റ് ഡയലോഗിന് ക്യൂട്ട് അനുകരണവുമായി എത്തിയിരിക്കുകയാണ് ഒരു കുഞ്ഞുമിടുക്കൻ. മൂന്നു വയസുകാരനായ ഗിരിനന്ദ് ജെ ആണ് കണ്ണനെന്ന കഥാപാത്രത്തെ അനുകരിച്ചിരിക്കുന്നത്. ഡയലോഗും ഭാവങ്ങളുമെല്ലാം അതേപടി പകർത്തി രസകരമായി അവതരിപ്പിച്ചിരിക്കുകയാണ് ഗിരിനന്ദ്. മൂന്നു വയസുകാരനായ ഗിരിനന്ദിന്റെ പ്രകടനത്തിന് കൈയടി ഉയരുകയാണ്.
Read More: ‘അടി വേണോ കുട്ടിക്ക്?’; മേഘ്‌ന ടീച്ചറുടെ വിദ്യാർത്ഥികളായി ജഡ്ജസ്- ചിരി വിഡിയോ
അതേസമയം, സമൂഹമാധ്യമങ്ങളിലൂടെ മുൻപ് തന്നെ ശ്രദ്ധേയനാണ് ഗിരിനന്ദ്. ചിരി വിത്ത് ഗിരി എന്ന യൂട്യൂബ് ചാനലിൽ രസകരമായ വിഡിയോകളുമായി സജീവമാണ് ഗിരിനന്ദ്. മുൻപ്, അയ്യപ്പനും കോശിയും എന്ന സിനിമയിലെ നഞ്ചമ്മയുടെ ഡയലോഗും, മോഹൻലാലിൻറെ ഹിറ്റ് ഡയലോഗുകളുമെല്ലാം അവതരിപ്പിച്ച് ഈ കൊച്ചുമിടുക്കൻ ശ്രദ്ധനേടിയിരുന്നു. തിരുവനന്തപുരം നെടുമങ്ങാട് വെള്ളൂർക്കോണം സ്വദേശികളായ ജിഷ്ണു എസ് ഗിരീശന്റെയും ലക്ഷ്മി ജിഷ്ണുവിന്റേയും മകനാണ് ഗിരിനന്ദ്. ടിക്ക് ടോക്കിലും താരമായിരുന്നു ഈ മിടുക്കൻ.
Story highlights- girinandh imitating chakkapazham fame muhammad raihan
