‘പൂമാനമേ…’; മലയാളം പാട്ടില്‍ അതിശയിപ്പിച്ച് ഒരു വിദേശി
സംഗീതത്തിന് ഭാഷയോ ദേശമോ അതിര്‍വരമ്പുകള്‍ സൃഷ്ടിക്കാറില്ല എന്നതിന് ഏറ്റവും ഉത്തമമായ മാതൃകയാണ് ഗ്രാഡി ലോംഗ്. ഇദ്ദേഹത്തിന്റെ മനോഹരമായ ഒരു മലയാളം പാട്ടാണ് സൈബര്‍ ഇടങ്ങളില്‍ ശ്രദ്ധ ആകര്‍ഷിക്കുന്നത്. ഫ്‌ളവേഴ്‌സ് കോമഡി ഉത്സവ വേദിയില്‍ എത്തിയപ്പോള്‍ ഇദ്ദേഹം ആലപിച്ചതാണ് ഈ ഗാനം.
പൂമാനമേ ഒരു രാഗമേഘം താ…. എന്ന ഗാനമാണ് ഈ ഗായകന്‍ അതിമനോഹരമായി ആലപിക്കുന്നത്. നിറക്കൂട്ട് എന്ന ചിത്രത്തിലേതാണ് ഈ ഗാനം. കെ ശ്യാം സംഗീതം പകര്‍ന്നിരിക്കുന്ന ഈ ഗാനത്തിന്റെ വരികള്‍ എഴുതിയിരിക്കുന്നത് പൂവ്വച്ചല്‍ ഖാദര്‍ ആണ്. കെ ജി മാര്‍ക്കോസ് ആണ് സിനിമയില്‍ ഈ ഗാനം ആലപിച്ചിരിക്കുന്നത്.
Read more: രാമായണക്കാറ്റേ….; ഗംഭീര ആലാപനവുമായി ഹനൂനയും രാഹുലും
അതേസമയം അമേരിക്കന്‍ സംഗീതജ്ഞനാണ് ഗ്രാഡി ലോംഗ്. മലയാളിയായ സുജയാണ് ഇദ്ദേഹത്തിന്റെ ഭാര്യ. അവര്‍ നല്‍കുന്ന പ്രോത്സാഹനവും ചെറുതല്ല. വാരിക്കുഴിയിലെ കൊലപാതകം എന്ന സിനിമയിലും ഇദ്ദേഹം ഒരു ഗാനമാലപിച്ചിട്ടുണ്ട്.
Story highlights: Grady Long singing Malayalam song
