ഫിനാലെയിലേക്ക് ഇങ്ങനെ ഒരു ഭാര്യയും ഭർത്താവും; മുൾമുനയിൽ നിർത്തി അവസാന റൗണ്ട് മത്സരം- വിഡിയോ
ജനപ്രിയ പരിപാടികളിലൂടെ വിസ്മയിപ്പിക്കാറുള്ള ഫ്‌ളവേഴ്‌സ് ചാനലിൽ രസകരമായ ഗെയിമുകളും മത്സരങ്ങളുമായി എത്തിയ റിയാലിറ്റി ഷോയാണ് ഇങ്ങനെ ഒരു ഭാര്യയും ഭർത്താവും. സ്നേഹവും, വാശിയും, രസകരമായ മത്സരങ്ങളുമായി ‘ഇങ്ങനെ ഒരു ഭാര്യയും ഭർത്താവും’ അവസാനഘട്ടത്തിലേക്ക് എത്തിയിരിക്കുകയാണ്.
രഞ്ജിനി ഹരിദാസിനൊപ്പം 12 ദമ്പതികളാണ് മത്സരത്തിൽ മാറ്റുരയ്ക്കാൻ എത്തിയത്. ചിരിയുടെ മേമ്പൊടിയുമായി രമേഷ് പിഷാരടിയും ചേരുമ്പോൾ ‘ഇങ്ങനെ ഒരു ഭാര്യയും ഭർത്താവും’ പ്രേക്ഷകർക്ക് കാഴ്ചയുടെ വസന്തം തന്നെയാണ് സമ്മാനിച്ചത്. 12 ജോഡികളിൽ നിന്നും ബാലു- ഹരിത ദമ്പതികൾ എലിമിനേഷനില്ലാതെ പുറത്തുപോയതോടെ പതിനൊന്നു ദമ്പതികളാണ് പിന്നീട് മത്സരിച്ചത്.
ഇപ്പോഴിതാ, ഫൈനലിലേക്ക് ആറു ദമ്പതികളെ തെരഞ്ഞെടുത്തിരിക്കുകയാണ്. കോട്ടയം സ്വദേശികളായ ദർശന- ശ്രീകാന്ത്, കുമ്പളങ്ങിയിൽ നിന്നെത്തിയ സജി- ഷേർജ, തിരുവല്ലയിൽ നിന്നെത്തിയ ജിൻസൺ- രേഷ്മ, കോട്ടയം സ്വദേശികളായ പ്രിൻസ്- അനുഷ, ഗിരീഷ്- രമ്യ എന്നിവരാണ് ഫൈനലിലേക്ക് തെരഞ്ഞെടുക്കപ്പെട്ടത്.
Read More: ഈ വർഷത്തെ മികച്ച ചിത്രം: ജെസിബിയുടെ കൈയിൽ ഇരുന്ന് നദിയിലൂടെ യാത്ര ചെയ്യുന്ന ആരോഗ്യപ്രവർത്തകർ
ആദ്യത്തെ മൂന്നു ജോഡികൾക്കും 215 മാർക്കാണ് ലഭിച്ചത്. ബാക്കി രണ്ടു പേർക്ക് 214 വീതവും ലഭിച്ചു. എന്നാൽ 212 മാർക്കോടെ വിനു- കീർത്തി ജോഡികളും അനൂപ്- ഐശ്വര്യ ദമ്പതികളും എത്തിയതോടെ ആറാമത്തെ ഫൈനലിസ്റ്റിനെ തിരഞ്ഞെടുക്കാൻ വേദിയിൽ പ്രയാസമേറി. ഒടുവിൽ ഒരുമിനിറ്റ് നേരം മാത്രമുള്ള മത്സരത്തിലൂടെ വിനു- കീർത്തി എന്നിവർ ഫൈനലിലേക്ക് എത്തുകയായിരുന്നു. ഇനി ഫൈനൽ മത്സരത്തിലേക്കുള്ള കാത്തിരിപ്പിലാണ് പ്രേക്ഷകർ.
Story highlights- ingane oru bharyayum bharthavum finalist selection
