‘ഉന്നാലെ എന്നാളും…’ ഹിറ്റായി ലക്ഷ്മി നക്ഷത്രയുടെ പാട്ട്
മികച്ച അവതരണശൈലികൊണ്ട് പ്രേക്ഷക ഹൃദയങ്ങളില്‍ ഇടം നേടിയ താരമാണ് ലക്ഷ്മി നക്ഷത്ര. ഫ്ളവേഴ്സ് സ്റ്റാർ മാജിക് വേദിയിലൂടെ പ്രേക്ഷകർക്ക് പ്രിയങ്കരിയായി മാറിയ ലക്ഷ്മി മനോഹരമായ അവതരണംകൊണ്ടും ലാളിത്യം നിറഞ്ഞ സംസാരം കൊണ്ടും പ്രേക്ഷക പ്രീതി നേടിയതാണ്. ഇപ്പോഴിതാ സമൂഹമാധ്യമങ്ങളിൽ ഏറെ ശ്രദ്ധ നേടുകയാണ് ലക്ഷ്മി നക്ഷത്രയുടെ ഒരു പാട്ട്.
‘ഉന്നാലെ എന്നാളും എൻ ജീവൻ വാഴ്ദേ…സൊല്ലാമൽ ഉൻസ്വാസം… എന്ന മനോഹരമായ തമിഴ് ഗാനമാണ് ലക്ഷ്മി രസകരമായി ആലപിച്ചിരിക്കുന്നത്. മികച്ച കമന്റുകളാണ് ലക്ഷ്മിയുടെ പാട്ടിന് ലഭിച്ചുകൊണ്ടിരിക്കുന്നത്.
ഫ്ളവേഴ്സ് ടിവിയില്‍ സംപ്രേക്ഷണം ചെയ്യുന്ന ‘സ്റ്റാര്‍ മാജിക്’ പരിപാടിയിലെ ലക്ഷ്മി നക്ഷത്രയുടെ അവതരണവും ശ്രദ്ധേയമാണ്. പ്രേക്ഷകര്‍ക്ക് ആസ്വാദനത്തിന്റെ വേറിട്ട ഭാവം സമ്മാനിയ്ക്കുന്ന പരിപാടിയാണ് ഫ്ളവേഴ്സ് സ്റ്റാര്‍ മാജിക്. സ്റ്റാര്‍ മാജിക്കിലെ താരക്കൂട്ടങ്ങളുടെ കുസൃതികളും ചിരി നിറയ്ക്കുന്ന സുന്ദര നിമിഷങ്ങളും ഗെയിമുകളുടെ ആവേശവുമെല്ലാം വേദിയെ രസകരമാക്കാറുണ്ട്.
ചിരി നിമിഷങ്ങൾ സമ്മാനിക്കുന്ന സ്റ്റാർ മാജിക് വേദിയെ മലയാള ടെലിവിഷൻ പ്രേക്ഷകർ ഇതിനോടകം നെഞ്ചേറ്റിയതാണ്. ഡാൻസും പാട്ടും സ്കിറ്റുകളുമൊക്കെയായി ഓരോ എപ്പിസോഡിലും വ്യത്യസ്ത പുലർത്തുന്ന സ്റ്റാർ മാജിക് വേദിയിൽ, സിനിമ സീരിയൽ രംഗത്തെ പ്രമുഖ താരങ്ങളും അതിഥികളായി എത്താറുണ്ട്. സ്റ്റാര്‍മാജിക്കിലെ താരങ്ങളെല്ലാം ഇതിനോടകംതന്നെ പ്രേക്ഷക ലക്ഷങ്ങളുടെ സ്വീകാര്യതയും നേടിയവരാണ്.
Story Highlights; Lakshmi Nakshathra song
