ഡെയ്‌സിയുടെ കുടുംബത്തിന് റോയ് വീണ്ടും പ്രിയങ്കരനാകുമ്പോള്‍; പ്രിയങ്കരി പുതിയ വഴിത്തിരിവിലേക്ക്
ഡെയ്‌സി എന്ന പേര് ഇന്ന് മലയാള ടെലിവിഷന്‍ പ്രേക്ഷകര്‍ക്ക് അപരിചിതമല്ല. പ്രിയങ്കരിയിലൂടെ ഈ കഥാപാത്രം പ്രേക്ഷകപ്രീതി നേടിയിരിക്കുന്നു. ഫ്‌ളവേഴ്‌സ് ടിവിയില്‍ എല്ലാ ദിവസവും രാത്രി ഏഴ് മണിക്ക് സംപ്രേക്ഷണം ചെയ്യുന്ന പരമ്പരയാണ് പ്രിയങ്കരി. ചലച്ചിത്ര താരം ഷഫ്‌നയാണ് പ്രിയങ്കരിയില്‍ ഡെയ്‌സി എന്ന കഥാപാത്രമായെത്തുന്നത്.
ഒരു മണിക്കൂര്‍ ദൈര്‍ഘ്യമുള്ള പ്രിയങ്കരി ഓരോ ദിവസവും പ്രേക്ഷകര്‍ക്ക് വേറിട്ട ആസ്വാദനം സമ്മാനിക്കുന്നു. ഇപ്പോഴിതാ പുതിയ വഴിത്തിരിവിലേക്ക് കടക്കുകയാണ് പ്രിയങ്കരി. ത്രികോണ പ്രണയം പശ്ചാത്തലമാക്കി ഒരുക്കിയിരിക്കുന്ന പ്രിയങ്കരിയില്‍ കുടുംബ ബന്ധങ്ങളുടെ ആഴവും കെട്ടുറപ്പുമെല്ലാം പ്രതിഫലിക്കുന്നുണ്ട്.
Read more: പ്രണയാര്‍ദ്ര ഗാനത്തിന് ചുവടുവെച്ച് തങ്കച്ചനും അനുവും
മനോഹരമായ ഒരു മിനിസ്‌ക്രീന്‍ സിനിമ എന്നും പ്രിയങ്കരിയെ വിശേഷിപ്പിക്കാം. കാരണം ഒരു ചലച്ചിത്ര അനുഭവം തന്നെയാണ് ഈ പരമ്പര ടെലിവിഷന്‍ പ്രേക്ഷകര്‍ക്ക് സമ്മാനിക്കുന്നതും. ഡെയ്‌സി, സോളമന്‍, റോയ് തുടങ്ങിയ കഥാപാത്രങ്ങളെല്ലാം ഇതിനോടകംതന്നെ അഭിനയമികവുകൊണ്ട് പ്രേക്ഷകരുടെ മനസ്സില്‍ ഇടം നേടിയിരിക്കുന്നു.
Story highlights: Priyankari Latest Promo story
