വിജയ്-യെക്കുറിച്ച് ഒരു വാക്ക് പറയുമോ എന്ന് ആരാധകന്‍; ‘വെരി കൂള്‍’ എന്ന് ഷാരൂഖ് ഖാന്‍
വെള്ളിത്തിരയില്‍ അഭിനയ വിസ്മയങ്ങള്‍ ഒരുക്കുന്ന ചലച്ചിത്രതാരങ്ങള്‍ സമൂഹാധ്യമങ്ങളില്‍ പങ്കുവയ്ക്കുന്ന വിശേഷങ്ങളും ശ്രദ്ധ നേടാറുണ്ട്. വിജയ് എന്ന നടനെക്കുറിച്ച് ഷാരൂഖ് ഖാന്‍ കുറിച്ച വാക്കുകളും ശ്രദ്ധ നേടുകയാണ്. വെരി കൂള്‍ എന്നാണ് വിജയ്-യെ താരം വിശേഷിപ്പിച്ചത്.
സിനിമാ ജീവിതത്തില്‍ 29 വര്‍ഷങ്ങള്‍ പൂര്‍ത്തിയാക്കിയിരിക്കുകയാണ് ഷാരൂഖ് ഖാന്‍. 1992 ജൂണ്‍ 25നായിരുന്നു അദ്ദേഹത്തിന്റെ ആദ്യ സിനിമയായ ദിവാന പ്രേക്ഷകരിലേക്കെത്തിയത്. ഈ ദിനത്തില്‍ ആരാധകര്‍ക്ക് നന്ദിയറിയിക്കുകയും ചെയ്തു താരം. ഇതിനിടെയാണ് ആരാധകരുടെ ചോദ്യങ്ങള്‍ക്ക് മറുപടിയുമായി താരം എത്തിയത്.
Read more: ‘സൂപ്പര്‍ സ്റ്റാര്‍ സുരേഷ് ഗോപി 251’; പുതിയ കഥാപാത്രത്തെ പരിചയപ്പെടുത്തി മോഹന്‍ലാല്‍
ട്വിറ്ററിലെ ഒരു ഫോളോവറാണ് ഷാരൂഖ് ഖാനോട് വിജയ്്-യെക്കുറിച്ച് ഒരു വാക്ക് പറയാമോ എന്ന് ചോദിച്ചത്. ഈ ചോദ്യത്തനുള്ള മറുപടിയായിരുന്നു വെരി കൂള്‍ എന്നത്. അതേസമയം ആരധകരുടെ മറ്റ് ചില ചോദ്യങ്ങള്‍ക്ക് രസകരമായ മറുപടിയാണ് ഷാരൂഖ് ഖാന്‍ നല്‍കിയത്. താങ്കളുടെ ഇപ്പോഴത്തെ മാനസിക അവസ്ഥ എങ്ങനെയാണ് എന്ന ഒരു ചോദ്യവും അദ്ദേഹം നേരിട്ടു. മുംബൈയിലെ മഴ പോലെ എന്നായിരുന്നു ഈ ചോദ്യത്തിന് ഷാരൂഖ് ഖാന്‍ നല്‍കിയ മറുപടി.
Story highlights: Shah Rukh Khan has this to say about Thalapathy Vijay
