കടത്തനാട്ട് മാക്കമായി തങ്കച്ചന്റെ വേഷപ്പകർച്ച- ചിരി വിഡിയോ
കോമഡി വേദികളിലൂടെ ജനപ്രിയനായ താരമാണ് തങ്കച്ചൻ വിതുര. ഫ്‌ളവേഴ്‌സ് ചാനലിൽ സംപ്രേഷണം ചെയ്യുന്ന സ്റ്റാർ മാജിക് എന്ന ഷോയാണ് തങ്കച്ചനെ പ്രേക്ഷകർക്കിടയിൽ കൂടുതൽ സ്വീകാര്യനാക്കിയത്. വെറുതെയിരുന്നപ്പോൾ മനസ്സിൽ തോന്നിയ ‘മറിയേടമ്മേടെ ആട്ടിൻകുട്ടി’ എന്ന ഗാനമാണ് തങ്കച്ചനെ ശ്രദ്ധേയനാക്കിയത്.
സ്റ്റാർ മാജിക് വേദിയിൽ നിരവധി വേഷപ്പകർച്ചകളിൽ തങ്കച്ചൻ എത്താറുണ്ട്. ഇപ്പോഴിതാ കടത്തനാട്ട് മാക്കം എന്ന വേഷത്തിൽ എത്തി ചിരി നിറയ്ക്കുകയാണ് താരം. ചരിത്ര സിനിമകളിലേതുപോലെ സർവ്വാഭരണങ്ങളും ധരിച്ചാണ് കടത്തനാട്ട് മാക്കമായി തങ്കച്ചൻ എത്തുന്നത്.
Read More: ടോപ് സിംഗർ വേദിയിൽ ദീപക് ദേവിനെ കാത്തിരുന്ന സർപ്രൈസ്, പാട്ടുവേദിയിലെ സുന്ദരനിമിഷങ്ങൾ…
നിരവധി കൗണ്ടറുകളുമായി കടത്തനാട്ട് മാക്കത്തിനോട് സ്റ്റാർ മാജിക് വേദിയിലെ ചിരിതാരങ്ങൾ ചോദ്യങ്ങൾ ചോദിക്കുന്നുമുണ്ട്. നടൻ ബാല അതിഥിയായി എത്തിയ എപ്പിസോഡിലാണ് കടത്തനാട്ട് മാക്കമായി തങ്കച്ചൻ എത്തിയത്. ബാലയെ ചേകവനായി കണ്ട് രസകരമായ നിമിഷങ്ങളും കടത്തനാട്ട് മാക്കത്തിലൂടെ തങ്കച്ചൻ കാഴ്ചവയ്ക്കുന്നുണ്ട്.
Story highlights- thankachan vithura as kadathanatt makkam
