അനുരാഗ ചാരുതയിലാടി കണ്ണനും രാധയും; മനംകവർന്ന് മനോഹര നൃത്തം
ഗുരുവായൂർ കണ്ണനയി എത്തി മലയാളികളുടെ ഇഷ്ടംനേടിയ നർത്തകിയാണ് വൈഷ്ണവ. പിന്നീട് ഒട്ടേറെ വേദികളിൽ വൈഷ്ണവ നൃത്തവുമായി എത്തി. ടോപ് സിംഗർ വേദിയിലും വൈഷ്ണവ മനോഹരമായ നൃത്തം അവതരിപ്പിച്ചിരുന്നു. ടോപ് സിംഗർ വേദിയിൽ വൈഷ്ണവയും സുഹൃത്തും നർത്തകിയുമായ ഹൃദ്യയും ചേർന്ന് അവതരിപ്പിച്ച രാധാകൃഷ്ണ നടനം വളരെയേറെ ശ്രദ്ധേയമായിരുന്നു.
ഇപ്പോൾ ആ രാധാകൃഷ്ണ നടനം സമൂഹമാധ്യമങ്ങളിൽ വീണ്ടും ശ്രദ്ധേയമായിരിക്കുകയാണ്. ‘നറുമുഖയെ..’ എന്ന തമിഴ് ഗാനത്തിനാണ് ഇരുവരും ചുവടുവയ്ക്കുന്നത്. അനുരാഗ ചാരുതയിൽ അലിഞ്ഞ് നർത്തകർ ചുവടുവച്ചപ്പോൾ പാട്ടുവേദിയിൽ വിസ്മയ നിമിഷങ്ങൾ പിറന്നു.
Read More:മനുഷ്യരേക്കാൾ കൂടുതൽ സൈക്കിൾ; കൗതുകവും സന്തോഷവും നിറച്ച ഭൂമിയിലെ മനോഹരയിടം
അതേസമയം, വെറും ഒരുമിനിട്ടിൽ താഴെമാത്രം ദൈർഘ്യമുള്ള വിഡിയോയിലൂടെയാണ് വൈഷ്ണവ കേരളം മുഴുവൻ തരംഗമായി മാറിയത്. നൃത്തലോകത്ത് സജീവമായ വൈഷ്ണവയുടെ മനോഹര ചുവടുകൾ വീണ്ടും തരംഗമാകുകയാണ്. തൃശൂർ സ്വദേശിനികളായ വൈഷ്ണവയും ഹൃദ്യയും മുൻപ് രാധാകൃഷ്ണ പ്രണയം പങ്കുവെച്ച ഫോട്ടോഷൂട്ടിലൂടെയും ശ്രദ്ധേയരായിരുന്നു.
Story highlights- vyshnava and hridhya dancing
