രസകരമായ ‘ബണ്‍’ കഥയുമായി ധര്‍മ്മജന്‍
നിരവധി കഥാപാത്രങ്ങളിലൂടെ പ്രേക്ഷക ശ്രദ്ധ നേടിയ താരമാണ് ധര്‍മ്മജന്‍ ബോള്‍ഗാട്ടി. സ്വയസിദ്ധമായ ശൈലിയും അഭിനയമികവുമെല്ലാം താരത്തെ വ്യത്യസ്തനാക്കുന്നു. എന്തിലും ഏതിലും അല്‍പം നര്‍മ്മം ചേര്‍ത്ത് പറയാനും അറിയാം ധര്‍മ്മജന്‍ ബോള്‍ഗാട്ടി എന്ന കലാകാരന്. ലോകമലയാളികള്‍ക്ക് ആസ്വാദനത്തിന്റെ വേറിട്ട ഭാവങ്ങള്‍ സമ്മാനിക്കുന്ന ഫ്‌ളവേഴ്‌സ് സ്റ്റാര്‍ മാജിക്കിലും ധര്‍മ്മജന്‍ അതിഥിയായെത്തി.
രസകരമായ ഒരു കഥയും സ്റ്റാര്‍ മാജിക്കില്‍ താരം പങ്കുവെച്ചു. ആ കഥയിങ്ങനെ- ഒരിക്കല്‍ ഒരു ആര്‍ടിസ്റ്റ് ദിലീപിനെ അനുകരിക്കാനായി തയാറെടുക്കുകയായിരുന്നു. ദിലീപും ആ ഷോയില്‍ ഉണ്ടായിരുന്നു. കല്യാണരാമന്‍ എന്ന ചിത്രത്തിലെ രസകരമായ രംഗമാണ് അനുകരിക്കാനിരുന്നത്. ഇതിനായി ബണ്‍ എടുത്തു വെച്ചിരുന്നു. എന്നാല്‍ ആരോ ബണ്‍ എടുത്ത് കഴിച്ചു. ഇതറിഞ്ഞ ആര്‍ടിസ്റ്റ് ‘ദിലീപേട്ടന്റെ ബണ്‍ എവിടെ’ എന്ന് ദേഷ്യത്തോടെ ചോദിച്ചു. ഉടനെ ഒരു വണ്ടി ബേക്കറിയിലേക്ക് പോയി. തിരികെ എത്തിയപ്പോള്‍ കുറച്ച് ബണ്‍ എടുത്ത് ദിലീപിന്റെ മുന്നില്‍ കൊണ്ടുപോയി വെച്ചു’.
Read more: യുകുലെലെയില്‍ താളമിട്ട് നഫീസ പാടി; കാണാതെ മേലാകെ…; വിഡിയോ സമൂഹമാധ്യമങ്ങളില്‍ ഹിറ്റ്
ധര്‍മ്മജന്റെ രസകരമായ കഥ സ്റ്റാര്‍ മാജിക് വേദിയിലും ചിരി നിറച്ചു. കൊല്ലം സുധി എന്ന കലാകാരന് സ്റ്റാര്‍ മാജിക്ക് വേദിയില്‍ കല്യാണരാമനിലെ ദിലീപിനെ അനുകരിക്കുന്നതിനിടെ ആണ് ധര്‍മ്മജന്‍ രസകരമായ കഥ പങ്കുവെച്ചത്.
Story highlights: Funny bun story by Dharmajan Bolgatty
