‘തങ്കമേ തങ്കമേ..’ നൃത്തവുമായി കാളിദാസ്; ഒടുവിൽ ഒരു ഓട്ടവും- വിഡിയോ
നെറ്റ്ഫ്ലിക്സ് ഇന്ത്യയുടെ ആദ്യ തമിഴ് ആന്തോളജി ചിത്രമായ പാവൈ കഥൈകളിൽ ഏറ്റവുമധികം ശ്രദ്ധേയമായത് കാളിദാസ് ജയറാം പ്രധാന വേഷത്തിൽ എത്തിയ തങ്കം എന്ന ഭാഗമാണ്. സുധ കൊങ്കര സംവിധാനം ചെയ്ത തങ്കം എന്ന ഹ്രസ്വചിത്രത്തിലാണ് കാളിദാസ് വേഷമിട്ടത്. സത്താർ എന്ന വെല്ലുവിളി നിറഞ്ഞ വേഷത്തിലൂടെ കാളിദാസ് അമ്പരപ്പിച്ചു കളഞ്ഞു.
ഇപ്പോഴിതാ, ചിത്രത്തിലെ ‘തങ്കമേ, തങ്കമേ..’ എന്ന ഗാനത്തിന് ചുവടുവയ്ക്കുന്ന കാളിദാസിന്റെ വിഡിയോ ശ്രദ്ധേയമാകുകയാണ്. തമിഴ് അവതാരകയായ താരയാണ് കാളിദാസിന് ഒപ്പം ചുവടുവയ്ക്കുന്നത്. അതേസമയം, സിനിമയിൽ എത്തിയിട്ട് ആറു വർഷമായിട്ടും ഹിറ്റ് ചിത്രങ്ങളുടെ ഭാഗമാകാനും അഭിനയ പ്രാധാന്യമുള്ള ചിത്രങ്ങൾ സമ്മാനിക്കാനും കാളിദാസിന് കാത്തിരിക്കേണ്ടി വന്നു.
Read More: മാലിക്കിലെ ഫഹദ് ഫാസിലിനൊരു അപരൻ; ശ്രദ്ധേയമായി ചിത്രം
എന്നാൽ, കാളിദാസിലെ കലാകാരനെ പുറത്തെത്തിച്ചത് സുധ കൊങ്കരയാണ്. പുത്തം പുതു കാലൈ എന്ന ആന്തോളജി ചിത്രത്തിലും സുധ കൊങ്കര കാളിദാസിനെയാണ് നായകനാക്കിയത്. ആ ചിത്രത്തിലും മികച്ച പ്രകടനം കാഴ്ചവെച്ച കാളിദാസ്, പാവ കഥൈയിലെ സത്താറും അവിസ്മരണീയമാക്കി. സത്താര്‍ (തങ്കം) എന്ന ട്രാന്‍സ് കഥാപാത്രത്തെയാണ് കാളിദാസ് അവതരിപ്പിച്ചത്.
Story highlights- kalidas jayaram dance
