ഇങ്ങനെയൊരു മാജിക് ആരും മുൻപ് കണ്ടിട്ടുണ്ടാകില്ല; പൊട്ടിച്ചിരിപ്പിക്കുന്ന മായാജാലവുമായി മിയക്കുട്ടി- വിഡിയോ
രസകരമായ നിമിഷങ്ങളുടെ കലവറയാണ് ഫ്‌ളവേഴ്‌സ് ടി വിയിൽ സംപ്രേഷണം ചെയ്യുന്ന ടോപ് സിംഗർ സീസൺ 2. ഒട്ടേറെ കുട്ടികുറുമ്പുകൾ മാറ്റുരയ്ക്കുന്ന വേദിയിൽ ചിരിപടർത്തി എത്താറുള്ള കുഞ്ഞുപാട്ടുകാരിയാണ് മിയ മെഹക്. ഫോർട്ട് കൊച്ചി സ്വദേശിനിയായ മിയ പാട്ടിനൊപ്പം രസകരമായ സംസാരവുമായാണ് പാട്ടുവേദിയിലേക്ക് എത്തിയത്.
ഇപ്പോഴിതാ, രസകരമായൊരു മാജിക്കുമായി എത്തിയിരിക്കുകയാണ് മിയക്കുട്ടി. ഷൂവിൽ നിന്നും ടിഷ്യു എടുക്കുന്ന ഒരു മാജിക്കാണ് കുട്ടിക്കുറുമ്പി വേദിയിൽ അവതരിപ്പിക്കുന്നത്. കയ്യടിച്ച് പ്രോത്സാഹിപ്പിച്ചുകൊണ്ട് ജഡ്ജസും ഉണ്ട്. ഇത്രയും രസകരവും പൊട്ടിച്ചിരിപ്പിക്കുന്നതുമായ ഒരു മാജിക് പ്രേക്ഷകരും ആദ്യമായാണ് കാണുന്നത്. ഇതിനോടൊപ്പം ടിഷ്യു പുറകോട്ട് എറിഞ്ഞിട്ട് ആരും കണ്ടില്ല എന്ന ഭാവത്തിൽ നിൽക്കുകയുമാണ് കുറുമ്പി.
പാട്ടുവേദിയിലെ ഏറ്റവും പ്രായംകുറഞ്ഞ മത്സരാർഥികളിൽ ഒരാളാണ് മിയ മെഹക്. ഫോർട്ട് കൊച്ചിയിൽ നിന്നും മത്സര വേദിയിലേക്ക് എത്തിയ മിയ നിഷ്കളങ്കത കൊണ്ടും മനോഹരമായ ആലാപനമികവുകൊണ്ടുമാണ് ശ്രദ്ധേയയായത്. മലയാളികളുടെ പ്രിയ സംഗീത റിയാലിറ്റി ഷോയാണ് ടോപ് സിംഗർ സീസൺ 2. കുരുന്ന് മത്സരാർത്ഥികളുടെ മാസ്മരിക ആലാപന വൈഭവവും കുസൃതികളും കൊണ്ടാണ് ടോപ് സിംഗർ പ്രേക്ഷക ഹൃദയങ്ങളിൽ ചേക്കേറിയത്.
Story highlights- miah mehak funny magic
