വിവാഹവേഷത്തിൽ മനോഹര നൃത്തവുമായി മൃദുല വിജയ്- വിഡിയോ
മിനിസ്ക്രീൻ പ്രേക്ഷകർക്ക് സുപരിചിതയാണ് നടി മൃദുല വിജയ്. അഭിനയത്തിലും നൃത്തത്തിലും ഒരുപോലെ കഴിവ് തെളിയിച്ച മൃദുലയുടെ വിവാഹവും വളരെയധികം ശ്രദ്ധേയമായിരുന്നു. നടൻ യുവ കൃഷ്ണയെയാണ് മൃദുല വിവാഹം കഴിച്ചത്. സ്റ്റാർ മാജിക്കിലൂടെ ശ്രദ്ധേയരായ താരങ്ങളാണ് ഇരുവരും. വിവാഹശേഷമുള്ള ഒരു നൃത്തവിഡിയോ ഇപ്പോൾ ശ്രദ്ധേയമാകുകയാണ്.
വിവാഹവേഷത്തിലാണ് മൃദുല നൃത്തം ചെയ്യുന്നത്. മനോഹരമായ വിഡിയോ ആരാധകർ ഏറ്റെടുത്തുകഴിഞ്ഞു. മൃദുലയുടെ വിവാഹവസ്ത്രവും വളരെയധികം ശ്രദ്ധനേടിയിരുന്നു. പ്രത്യേകം നെയ്ത സാരിയിൽ ഇരുവരുടെയും പേര് ചേർത്ത് മൃദ്‌വ എന്നും തുന്നിയിരുന്നു.
തിരുവനന്തപുരം ആറ്റുകാൽ ക്ഷേത്രത്തിൽവെച്ചാണ് യുവ കൃഷ്ണയും മൃദുലയും തമ്മിലുള്ള വിവാഹം നടന്നത്. സീരിയൽ താരമെങ്കിലും സ്റ്റാർ മാജിക് വേദിയിലൂടെയാണ് മൃദുല വിജയ് ശ്രദ്ധേയയായത്. അനുകരണ കലയിലും നൃത്തത്തിലും അഭിനയത്തിലുമെല്ലാം ഒരുപോലെ തിളങ്ങുന്ന താരമാണ് മൃദുല. നടനും സ്റ്റാർ മാജിക്കിലൂടെ ശ്രദ്ധേയനുമാണ് യുവ കൃഷ്ണ.
മൃദുലയുടെ ഹൽദി ചടങ്ങിലെ ചിത്രങ്ങളും ശ്രദ്ധേയമായിരുന്നു. മൃദുലയുടെയും യുവയുടെയും സുഹൃത്തുക്കളും കുടുംബാംഗങ്ങളുമാണ് ചടങ്ങിൽ പങ്കെടുത്തത്. വിവാഹത്തിലും ചുരുങ്ങിയ ആളുകളാണ് പങ്കെടുത്തത്. വിവാഹ നിശ്ചയത്തിന് ശേഷം ഇരുവരും സ്റ്റാർ മാജിക്കിൽ എത്തിയ എപ്പിസോഡ് വളരെയധികം ഹിറ്റായി മാറിയിരുന്നു.
read More: റീമേക്കിന് ഒരുങ്ങി ‘സൂരറൈ പോട്ര്’- ബോളിവുഡിലും സംവിധായികയായി സുധ കൊങ്കര
തിരുവനന്തപുരം സ്വദേശിനിയാണ് മൃദുല വിജയ്. 2015-മുതല്‍ ടെലിവിഷന്‍ സീരിയല്‍ രംഗത്ത് സജീവമാണ് താരം. സംഗീത- നൃത്ത അധ്യാപികയായ കൃഷ്ണവേണിയുടെ മകനാണ് യുവ കൃഷ്ണ.
Story highlights- mrudula vijay dance
