‘എന്റെ ഹൃദയത്തോട് ചേർന്നു നിൽക്കുന്ന സവിശേഷമായ സിനിമ’- സല്യൂട്ട് പൂർത്തിയായതായി റോഷൻ ആൻഡ്രൂസ്
റോഷൻ ആൻഡ്രൂസിന്റെ സംവിധാനത്തിൽ ദുൽഖർ സൽമാൻ നായകനാകുന്ന ചിത്രമാണ് സല്യൂട്ട്. സിനിമയുടെ ചിത്രീകരണം ഹൈദരാബാദിൽ പൂർത്തിയായി. ‘ഞങ്ങളുടെ എല്ലാ സാങ്കേതിക വിദഗ്ധർക്കും എന്റെ പ്രിയപ്പെട്ട നിർമ്മാതാവ് ദുൽഖർ സൽമാനും ഒരു വലിയ നന്ദി. ഈ സിനിമ വളരെ സവിശേഷവും എന്റെ ഹൃദയത്തോട് ചേർന്നു നിൽക്കുന്നതുമാണ്.. നന്ദി, ജോം, ബിബിൻ, സാമി, സുജയ്, രതീഷ്’- റോഷൻ ആൻഡ്രൂസ് കുറിക്കുന്നു. ടീമിനൊപ്പമുള്ള ഒരു ചിത്രവും അദ്ദേഹം പങ്കുവെച്ചിട്ടുണ്ട്.
എല്ലാവർക്കും നന്ദി അറിയിച്ചുകൊണ്ട് ദുൽഖർ സൽമാനും രംഗത്തെത്തി. റോഷൻ ആൻഡ്രൂസ് സംവിധാനം ചെയ്യുന്ന ചിത്രത്തിന് ജനപ്രിയ തിരക്കഥാകൃത്തുക്കളായ ബോബി-സഞ്ജയ് ആണ് തിരക്കഥ ഒരുക്കിയിരിക്കുന്നത്. ഒരു പോലീസ് ത്രില്ലറാണ്ഈ ചിത്രം. സിനിമയിൽ ദുൽഖർ സൽമാൻ എസ്‌ഐ അരവിന്ദ് കരുണാകരനെന്ന വേഷത്തിലാണ് എത്തുന്നത്.
Read More: വില 60,000 രൂപ; സമൂഹമാധ്യമങ്ങളിലെ രുചിയിടങ്ങളില്‍ വൈറലായ ബ്ലാക്ക് ഡയമണ്ട് ഐസ്‌ക്രീം
ബോളിവുഡ് നടി ഡയാന പെന്റിയാണ് ചിത്രത്തിലെ നായിക. ഡയാന പെന്റിയുടെ ആദ്യ മലയാള സിനിമ കൂടിയാണ് ‘സല്യൂട്ട്’ . ജനപ്രിയ താരങ്ങളായ ലക്ഷ്മി ഗോപാലസ്വാമി, മനോജ് കെ ജയൻ എന്നിവരും ചിത്രത്തിൽ വേഷമിടുന്നുണ്ട്.
Story highlights- salute movie shooting completed
