മൃദുല വിജയ്‌യും യുവ കൃഷ്ണയും വിവാഹിതരായി
മിനിസ്ക്രീൻ താരങ്ങളായ യുവ കൃഷ്ണയും മൃദുല വിജയ്‌യും വിവാഹിതരായി. സീരിയൽ താരമെങ്കിലും സ്റ്റാർ മാജിക് വേദിയിലൂടെയാണ് മൃദുല വിജയ് ശ്രദ്ധേയയായത്. അനുകരണ കലയിലും നൃത്തത്തിലും അഭിനയത്തിലുമെല്ലാം ഒരുപോലെ തിളങ്ങുന്ന താരമാണ് മൃദുല. നടനും സ്റ്റാർ മാജിക്കിലൂടെ ശ്രദ്ധേയനുമാണ് യുവ കൃഷ്ണ.
മൃദുലയുടെ ഹൽദി ചടങ്ങിലെ ചിത്രങ്ങളും ശ്രദ്ധേയമായിരുന്നു. മൃദുലയുടെയും യുവയുടെയും സുഹൃത്തുക്കളും കുടുംബാംഗങ്ങളുമാണ് ചടങ്ങിൽ പങ്കെടുത്തത്. വിവാഹത്തിലും ചുരുങ്ങിയ ആളുകളാണ് പങ്കെടുത്തത്. വിവാഹ നിശ്ചയത്തിന് ശേഷം ഇരുവരും സ്റ്റാർ മാജിക്കിൽ എത്തിയ എപ്പിസോഡ് വളരെയധികം ഹിറ്റായി മാറിയിരുന്നു.
Read More: രാജ്യത്ത് 45,892 പുതിയ കൊവിഡ് കേസുകൾ സ്ഥിരീകരിച്ചു
തിരുവനന്തപുരം സ്വദേശിനിയാണ് മൃദുല വിജയ്. 2015-മുതല്‍ ടെലിവിഷന്‍ സീരിയല്‍ രംഗത്ത് സജീവമാണ് താരം. സംഗീത- നൃത്ത അധ്യാപികയായ കൃഷ്ണവേണിയുടെ മകനാണ് യുവ കൃഷ്ണ. ഇരുവരുടെയും സേവ് ദി ഡേറ്റ് ചിത്രങ്ങളും ശ്രദ്ധേയമായിരുന്നു.
Story highlights- yuva krishna and mridula vijay marriage
