ഒലിവര്‍ ട്വിസ്റ്റായി ഇന്ദ്രന്‍സിന്റെ ഗംഭീര പ്രകടനം; ശ്രദ്ധ നേടി ഹോമിലെ ഗാനം
അഭിനയ മികവില്‍ വിസ്മയങ്ങള്‍ സൃഷ്ടിക്കുന്ന ഇന്ദ്രന്‍സ് പ്രധാന കഥാപാത്രമായെത്തിയ പുതിയ ചിത്രമാണ് # ഹോം. ഒടിടി പ്ലാറ്റ്ഫോമായ ആമസോണ്‍ പ്രൈമിലൂടെ പ്രേക്ഷകരിലേക്കെത്തിയ ചിത്രം നിരവധി പ്രശംസകളും ഏറ്റുവാങ്ങുന്നുണ്ട്. മികച്ച പ്രേക്ഷക സ്വീകാര്യതയാണ് ചിത്രത്തിന് ലഭിയ്ക്കുന്നതും.
ശ്രദ്ധ നേടുകയാണ് ചിത്രത്തിന്റേതായി പുറത്തിറങ്ങിയ പുതിയ വിഡിയോ ഗാനം. ഇന്ദ്രന്‍സ് അവതരിപ്പിച്ച ഒലിവര്‍ ട്വിസ്റ്റ് എന്ന കഥാപാത്രം തന്നെയാണ് ഗാനരംഗത്തിലെ പ്രധാന ആകര്‍ഷണം. കഥാപാത്രത്തെ ഇന്ദ്രന്‍സ് പരിപൂര്‍ണതയിലെത്തിച്ചു. റോജിന്‍ തോമസ് ആണ് ചിത്രത്തിന്റെ സംവിധാനം നിര്‍വഹിക്കുന്നത്. വിജയ് ബാബു ആണ് ചിത്രത്തിന്റെ നിര്‍മാണം.
Read more: പ്രിയതമയ്ക്കായി ജയസൂര്യയുടെ പാട്ട്, ഒപ്പം മനോഹരമായി ചുവടുകള്‍ വെച്ചും താരദമ്പതികള്‍
ദൃശ്യഭംഗിയിലും ഏറെ മികച്ചു നില്‍ക്കുന്നു ഈ ഗാനം. ‘ഇതാ വഴി മാറിയോടുന്നു…’ എന്നു തുടങ്ങുന്ന വിഡിയോ ഗാനമാണ് പുറത്തെത്തിയിരിക്കുന്നത്. രാഹുല്‍ സുബ്രഹ്‌മണ്യന്‍ ആണ് ഗാനത്തിന് ഈണം പകര്‍ന്നിരിക്കുന്നത്. വിനീത് ശ്രീനിവാസന്‍, അരുണ്‍ ആലട്ട് എന്നിവര്‍ ചേര്‍ന്നാണ് ആലാപനം.
കുടുംബ പശ്ചാത്തലത്തില്‍ ഒരുങ്ങുന്ന ചിത്രത്തില്‍ നര്‍മത്തിനും പ്രാധാന്യം നല്‍കിയിരിക്കുന്നു. രാഹുല്‍ സുബ്രഹ്‌മണ്യം ആണ് ചിത്രത്തിന്റെ സംഗീത സംവിധാനം നിര്‍വഹിച്ചിരിക്കുന്നത്. നീല്‍ ആണ് ഛായാഗ്രഹണം. ശ്രീനാഥ് ഭാസി, നസ്ലിന്‍, ജോണി ആന്റണി, മഞ്ജു പിള്ള, മണിയന്‍പിള്ള രാജു, അനൂപ് മേനോന്‍, ശ്രീകാന്ത് മുരളി, കെപിഎസി ലളിത, ദീപ തോമസ്, വിജയ് ബാബു തുടങ്ങി നിരവധി താരങ്ങളും അണിനിരക്കുന്നുണ്ട് ചിത്രത്തില്‍.
Story highlights: Itha Vazhi Maariyodunnu Video Song From Home Movie
