മോഹന്‍ലാല്‍- ശ്രീകുമാര്‍ മേനോന്‍ കൂട്ടുകെട്ടില്‍ പുതിയ ചിത്രം; മിഷന്‍ കൊങ്കണ്‍ ഒരുങ്ങുന്നു
ചലച്ചിത്ര ലോകത്ത് അഭിനയ വിസ്മയങ്ങള്‍ ഒരുക്കുന്ന താരമാണ് മോഹന്‍ലാല്‍. അവതരിപ്പിക്കുന്ന ഓരോ കഥാത്രങ്ങളേയും താരം പരിപൂര്‍ണതയിലെത്തിക്കുന്നു. നിരവധിയാണ് താരം പ്രേക്ഷകര്‍ക്ക് സമ്മാനിച്ചിട്ടുള്ള കഥപാത്രങ്ങളും. മോഹന്‍ലാല്‍ കേന്ദ്ര കഥപാത്രമായെത്തുന്ന പുതിയ ചിത്രം ഒരുങ്ങുന്നു.
മിഷന്‍ കൊങ്കണ്‍ എന്നാണ് ചിത്രത്തിന്റെ പേര്. വി എ ശ്രീകുമാര്‍ മേനോന്‍ ആണ് ചിത്രത്തിന്റെ സംവിധാനം നിര്‍വഹിക്കുന്നത്. മികച്ച പ്രേക്ഷക സ്വീകാര്യത നേടിയ ഒടിയന്‍ എന്ന ചിത്രത്തിന് ശേഷം മോഹന്‍ലാലും വി എ ശ്രീകുമാര്‍ മേനോനും ഒരുമിക്കുന്ന ചിത്രം എന്ന പ്രത്യേകതയും മിഷന്‍ കൊങ്കണ്‍ എന്ന സിനിമയ്ക്കുണ്ട്. മലയാളത്തിന് പുറമെ ഹിന്ദിയിലും ചിത്രം പ്രേക്ഷകരിലേക്കെത്തും. മോഹന്‍ലാലിന് പുറമെ രണ്‍ദീപ് ഹൂഡയും ചിത്രത്തില്‍ പ്രധാന കഥാപാത്രമായെത്തുന്നുണ്ട്.
Read more: ‘തൽപരകക്ഷിയല്ല..’- വർഷങ്ങൾക്ക് ശേഷം ഡാൻസ് മാസ്റ്റർ വിക്രമും വസുമതിയും കണ്ടുമുട്ടിയപ്പോൾ- വിഡിയോ
ജിതേന്ദ്ര താക്കറെ, ശാലിനി താക്കറെ, കമല്‍ ജെയിന്‍ എന്നിവര്‍ ചേര്‍ന്നാണ് ചിത്രത്തിന്റെ നിര്‍മാണം. ടി ഡി രാമകൃഷ്ണനാണ് ചിത്രത്തിന് തിരക്കഥ ഒരുക്കുന്നത്. സിനിമയെക്കുറിച്ച് കൂടുതല്‍ വിവരങ്ങള്‍ അണിയറപ്രവര്‍ത്തകര്‍ പുറത്തുവിട്ടിട്ടില്ല. 2018-ലാണ് മോഹന്‍ലാലിനെ നായകനാക്കി ശ്രീകുമാര്‍ മേനോന്‍ സംവിധാനം നിര്‍വഹിച്ച ഒടിയന്‍ പ്രേക്ഷകരിലേക്കെത്തിയത്.
Story highlights: Mohanlal and VA Shrikumar reunite with a new movie
