‘വര്‍ഷങ്ങളോളം ചിരി അടക്കിപ്പിടിച്ച് ബ്യൂളീമിയയുടെ ഒരു തീവ്രമായ അവസ്ഥയിലേക്ക് എത്തി’- രോഗാവസ്ഥ പങ്കുവെച്ച് പാർവതി
മലയാള സിനിമ ലോകത്ത് ഒട്ടേറെ സംഭാവനകൾ അഭിനയ പാടവത്തിലൂടെ നൽകിയ നടിയാണ് പാർവതി തിരുവോത്ത്. വിമർശനങ്ങളെ അതിജീവിച്ച് ബോളിവുഡ് വരെ തന്റെ സാന്നിധ്യം അറിയിച്ച പാർവതി വളരെ വ്യത്യസ്തമായൊരു പോസ്റ്റാണ് സമൂഹമാധ്യമങ്ങളിൽ ഇപ്പോൾ പങ്കുവെച്ചിരിക്കുന്നത്. ബ്യൂളീമിയ എന്ന രോഗാവസ്ഥയെ അതിജീവിച്ച അനുഭവമാണ് പാർവതി പങ്കുവയ്ക്കുന്നത്. ശരീരത്തെ കുറിച്ച് ആളുകൾ പറഞ്ഞിരുന്ന അഭിപ്രായങ്ങളാണ് തന്നെ ഈ അവസ്ഥയിൽ എത്തിച്ചതെന്നാണ് പാർവതി പങ്കുവയ്ക്കുന്നത്.
പാർവതി തിരുവോത്തിന്റെ കുറിപ്പ്;
വർഷങ്ങളോളം ഞാൻ എന്റെ ചിരി അടക്കിപ്പിടിച്ചു. ഞാൻ പുഞ്ചിരിക്കുമ്പോൾ എന്റെ കവിളുകൾ എങ്ങനെ വലുതാകുന്നു എന്നതിനെക്കുറിച്ച് നിരന്തരം അഭിപ്രായം പറയുന്നത് ഉചിതമാണെന്ന് എനിക്കൊപ്പം ജോലി ചെയ്തിരുന്നവർ കരുതിയിരുന്നു.,എനിക്ക് അവർ ആഗ്രഹിക്കുന്നത്ര ആകൃതിയുള്ള താടിയും ഉണ്ടായിരുന്നില്ല. അതോടെ ഞാൻ ചിരിക്കുന്നത് നിർത്തി. തുറന്നു ചിരിക്കാതെ വര്‍ഷങ്ങളോളം ഞാന്‍ മുഖം വിടര്‍ത്താതെ പതുക്കെ ചിരിച്ചുകൊണ്ടിരുന്നു.
ജോലിസ്ഥലത്തും മറ്റ് പരിപാടികളിലും ഞാൻ ഒറ്റയ്ക്ക് ഭക്ഷണം കഴിക്കാൻ തുടങ്ങിയിരുന്നു, കാരണം ഞാൻ കഴിക്കുമ്പോൾ ആഹാരം വെട്ടിക്കുറയ്ക്കണമെന്ന് അവർ എന്നോട് പറയും. അതുകേട്ടാൽ പിന്നെ മറ്റൊന്നും കഴിക്കാൻ എനിക്ക് തോന്നില്ല.
‘ഞാൻ നിങ്ങളെ അവസാനമായി കണ്ടതിലും തടിച്ചോ?’
‘നീ കുറച്ച് മെലിയേണ്ടതുണ്ട്’
“ഓ, നിന്റെ ഭാരം കുറഞ്ഞു! നല്ലത്! ‘
“നീ ഡയറ്റിങ് ഒന്നും ചെയ്യുന്നില്ലേ?’
‘ നീ അത്രയും കഴിക്കാൻ പോകുകയാണോ?’
“നീ കൂടുതൽ കഴിക്കുന്നുണ്ടെന്ന് ഞാൻ നിങ്ങളുടെ ഡയറ്റീഷ്യനോട് പറയും!”
“മാരിയൻ സിനിമയിലേത് പോലെ മെലിഞ്ഞാലെന്താ?
ഇതൊക്കെ തമാശയായി എടുത്തുകൂടെ? നല്ലതിന് വേണ്ടിയാണു പറഞ്ഞത് എന്ന കമന്റുകൾ ഒന്നും എന്റെ ശരീരം കേട്ടില്ല. ആളുകൾ പറയുന്നതെല്ലാം ശരീരത്തിലേക്ക് എടുക്കുകയും മനസ് ആ കമന്റുകൾ പറയാൻ തുടങ്ങുകയും ചെയ്തു. ഇപ്പോൾ ഞാൻ അതിൽ ഖേദിക്കുന്നു. ഞാൻ എന്നെത്തന്നെ പരിരക്ഷിക്കാൻ എത്ര ശ്രമിച്ചാലും, ഈ വാക്കുകൾ ഒടുവിൽ മനസിലേക്ക് കയറി. വൈകാതെ ഞാൻ ബ്യൂളീമിയയുടെ ഒരു തീവ്രമായ അവസ്ഥയിലേക്ക് എത്തി.
ഇവിടെ എത്താൻ എനിക്ക് വർഷങ്ങൾ എടുത്തു.അതിശയകരമായ ചില സുഹൃത്തുക്കളുടെയും ഫിറ്റ്നസ് പരിശീലകന്റെയും തെറാപ്പിസ്റ്റുകളുടെയും സഹായത്തോടെ, ഞാൻ വീണ്ടും തുറന്നു ചിരിക്കാൻ തുടങ്ങി.
Read More: ട്രെയിനിലും ബസിലും മെട്രോയിലും യാത്ര; ‘സഞ്ചരിക്കുന്ന ഈ നായ’ സമൂഹമാധ്യമങ്ങളില്‍ താരം
ദയവായി ഓരോരുത്തരും അവരവർക്കും മറ്റുള്ളർക്കും ഇടംനൽകുക. നിങ്ങളുടെ തമാശകളും അഭിപ്രായങ്ങളും മറ്റുള്ളവരുടെ ശരീരത്തെക്കുറിച്ചുള്ള നിങ്ങളുടെ അഭിപ്രായങ്ങളും ഒഴിവാക്കുക. നിങ്ങൾ എത്ര നന്നായി ‘ഉദ്ദേശിച്ചാലും അത് പറയാതിരിക്കുക. സുഖം പ്രാപിക്കുന്ന എല്ലാവർക്കും, പുഞ്ചിരിക്കുന്നതിന് നന്ദി!
Story highlights- parvathy thiruvoth about rare health condition
