‘ഇന്ന് നമ്മളിവിടെ കാണാൻ പോകുന്നത് ഒരു ‘ക്ലൂക്ലൂസ്’ പൊടിയാണ്’- കുട്ടി വ്ലോഗറുടെ രസികൻ വിഡിയോ പങ്കുവെച്ച് ജയസൂര്യ
ലോക്ക് ഡൗൺ കാലത്ത് പലർക്കും വരുമാനമാർഗമായതും സമയം ചെലവഴിക്കാനുള്ള മാർഗമായതും യുട്യൂബ് ആണ്. കൂണുകൾ മുളയ്ക്കും പോലെയാണ് ഒട്ടേറെ യുട്യൂബ് ചാനലുകൾക്ക് തുടക്കമായത്. സ്‌കൂളുകൾ ഒന്നര വർഷത്തോളം അടഞ്ഞു തന്നെ കിടന്നപ്പോൾ കുട്ടികളും യൂട്യൂബ് വിഡിയോയുമായി സജീവമായി. ‘ഹായ്, ഗയ്‌സ്..’ എന്ന് പറഞ്ഞുകൊണ്ട് ഒട്ടേറെ കുട്ടി വ്ലോഗ്ഗർമാർ ചിരിപ്പിച്ചും ചിന്തിപ്പിച്ചും എത്തിയിരുന്നു. ഇപ്പോഴിതാ, ഒരു രസികൻ കുട്ടി വ്ലോഗ്ഗറുടെ വിഡിയോ പങ്കുവെച്ചിരിക്കുകയാണ് നടൻ ജയസൂര്യ.
‘ഹലോ ഗയ്‌സ്, ഇന്ന് നമ്മൾ ചെയ്യാൻ പോകുന്നത് രസകരമായ ഒരു വിഡിയോയാണ്.. അടുത്ത എപ്പിസോഡിൽ നമ്മളൊരു സ്‌നാപ്പ് ചാറ്റും ഒരു നാടൻ മുട്ടയും കണ്ടു. ഇന്ന് നമ്മളിവിടെ കാണാൻ പോകുന്നത് ഒരു ക്ലൂക്ലൂസ് പൊടിയാണ്..’എന്ന് പറഞ്ഞാണ് ഈ കുഞ്ഞുമിടുക്കന്റെ വിഡിയോ ആരംഭിക്കുന്നത്. കാണിക്കുന്നത് ഗ്ലൂക്കോസ് പൊടിയാണ്. പിന്നീട് പറയുന്നതൊക്കെ പൊട്ടിച്ചിരിപ്പിക്കുന്ന വിശേഷങ്ങളാണ്. എന്തായാലും ജയസൂര്യ വിഡിയോ പങ്കുവെച്ചതോടെ ഈ കുഞ്ഞു യൂട്യൂബർ വൈറലായി മാറിയിരിക്കുകയാണ്.
read More: പതിനഞ്ചാം വയസിൽ മാതാവിന്റെ വേഷത്തിൽ ക്യാമറയ്ക്ക് മുന്നിൽ- ജീവിതയാത്ര പങ്കുവെച്ച് മിയ
ബംഗളൂരുവിൽ ലോക്ക് ഡൗൺ ആരംഭിച്ച സമയത്ത് തന്നെ കുട്ടികളുടെ മടുപ്പ് മാറുന്നതിനായി സർക്കാർ തന്നെ യുട്യൂബ് ചാനലുകൾ ആരംഭിക്കാൻ മുൻകൈ എടുത്തിരുന്നു. വീടുകളിൽനിന്ന് പുറത്തിറങ്ങാൻ കഴിയാത്തതിനാൽ വീടിനകത്ത്‌ കഴിഞ്ഞുകൂടി യുട്യൂബിൽ സജീവമാകുകയായിരുന്നു കേരളത്തിലെ കുട്ടികളും.
Story highlights- Jayasurya shares funny video of child vlogger
