‘ചില്ലറപൈസയെ…’- അദിതി രവിയ്‌ക്കൊപ്പം കൺമണിക്കുട്ടിയുടെ പ്രകടനം- വിഡിയോ
ചുരുക്കം സിനിമകളിലൂടെ മലയാളികളുടെ പ്രിയ നായികയായി മാറിയ അദിതി രവി അഭിനയത്തിലും നൃത്തത്തിലും ഒരുപോലെ കഴിവ് തെളിയിച്ച താരമാണ്. പീസ്, പത്താംവളവ് തുടങ്ങിയ ചിത്രങ്ങളാണ് അദിതി നായികയായി ഒരുങ്ങുന്നത്. ജോസഫിന് ശേഷം പത്മകുമാറിന്റെ സംവിധാനത്തിൽ ഒരുങ്ങുന്ന ചിത്രമാണ് പത്താം വളവ്. ഇന്ദ്രജിത്തും സുരാജ് വെഞ്ഞാറമൂടും പ്രധാന വേഷത്തിൽ എത്തുന്ന ചിത്രത്തിൽ അദിതിയ്ക്ക് ഒപ്പം നടി മുക്തയുടെ മകൾ കിയാരായും വേഷമിടുന്നുണ്ട്.
അമ്മയ്‌ക്കൊപ്പം രസകരമായ അഭിനയമുഹൂര്തങ്ങൾ സമ്മാനിക്കാറുള്ള കിയാര, ഇപ്പോഴിതാ, അദിതി രവിയ്‌ക്കൊപ്പം രസകരമായ ഒരു റീൽസുമായി എത്തിയിരിക്കുകയാണ്. ഈ പുഴയും കടന്ന് എന്ന ചിത്രത്തിലെ മഞ്ജു വാര്യരുടെ രസകരമായ ഒരു സീനാണ് ഇരുവരും ചേർന്ന് അവതരിപ്പിക്കുന്നത്. ഒട്ടേറെ താരങ്ങൾ വിഡിയോയ്ക്ക് കമന്റുകളുമായി എത്തി.
അതേസമയം, ഒരു യഥാർത്ഥ സംഭവത്തെ ആസ്പദമാക്കിയാണ് ഈ ചിത്രം ഒരുക്കുന്നത്. യു ജി എം പ്രൊഡക്ഷൻസിന്റെ ബാനറിൽ ഡോക്ടർ സക്കറിയ തോമസ്, ശ്രീജിത്ത് രാമചന്ദ്രൻ, ജിജോ കാവനാൽ, പ്രിൻസ് പോൾ എന്നിവർ ചേർന്നു നിർമിക്കുന്ന ചിത്രത്തിലൂടെ ബോളിവുഡ് നിർമ്മാണക്കമ്പനിയായ മുംബൈ മൂവി സ്റ്റുഡിയോസ് ആദ്യമായി മലയാള സിനിമയിലേക്ക് എത്തുന്നു എന്ന പ്രത്യേകതയും പത്താം വളവിനുണ്ട്.
Read More: ‘ഏക് ദോ തീൻ..’ ചുവടുകളുമായി മാധുരി ദീക്ഷിത്തിന്റെ വേറിട്ട പരീക്ഷണം- വിഡിയോ
സ്വാസിക, അജ്‍മൽ അമീർ സുധീർ കരമന, സോഹൻ സീനു ലാൽ, മേജർ രവി, രാജേഷ് ശർമ്മ, ഇടവേള ബാബു,നന്ദൻ ഉണ്ണി, ജയകൃഷ്‍ണൻ,ഷാജു ശ്രീധർ, നിസ്‌താർ അഹമ്മദ്‌, തുഷാര പിള്ള, അമ്പിളി തുടങ്ങിയവരും ചിത്രത്തിൽ അഭിനയിക്കുന്നുണ്ട്.
Story highlights-
