ഈ ‘അപ്പൻ’ ആള് പുലിയാണ്- ട്രെയ്‌ലർ
സണ്ണി വെയ്ൻ, അലന്സിയർ എന്നിവർ പ്രധാന വേഷത്തിലെത്തുന്ന ചിത്രമാണ് അപ്പൻ.സണ്ണി വെയ്‌ന്റെ അച്ഛനായി എത്തുന്ന അലന്സിയറെ ചുറ്റിപ്പറ്റിയാണ് ചിത്രം. ‘വെള്ളം’ ചിത്രത്തിന്റെ പ്രൊഡ്യൂസർമാരായ ജോസ്കുട്ടി മഠത്തിൽ, രഞ്ജിത്ത് മണബ്രക്കാട്ട് എന്നിവർ ടൈനി ഹാൻഡ്സ് പ്രൊഡക്ഷൻസിന്റെ ബാനറിൽ സണ്ണി വെയിൻ പ്രൊഡക്ഷൻസുമായി ചേർന്നു നിർമിക്കുന്ന ചിത്രമാണ് അപ്പൻ.ചിത്രത്തിന്റെ ട്രെയ്‌ലർ എത്തി.
മജു ചിത്രത്തിന്റെ സംവിധാനം നിർവഹിക്കുന്നു. കഥയും മജുവിന്റേതാണ്. അനന്യ, ഗ്രേസ് ആന്റണി, പോളി വത്സൻ, രാധിക രാധാകൃഷ്ണൻ, അനിൽ കെ ശിവറാം, വിജിലേഷ്, ഉണ്ണി രാജ, അഷ്റഫ് തുടങ്ങിയവരും ചിത്രത്തിൽ വേഷമിടുന്നു. ചിത്രത്തിന്റെ തിരക്കഥ ആർ.ജയകുമാറും മജുവും ചേർന്നാണ് ഒരുക്കിയിരിക്കുന്നത്. ഛായാഗ്രഹണം പപ്പു, വിനോദ് ഇല്ലമ്പിള്ളി എന്നിവർ ചേർന്നാണ്.
അതേസമയം, സണ്ണി വെയ്ൻ പ്രധാന വേഷത്തിൽ എത്തുന്ന ഏറ്റവും പുതിയ ചിത്രമാണ് ത്രയം. സണ്ണി വെയ്‌നൊപ്പം ധ്യാൻ ശ്രീനിവാസൻ,അജു വർഗ്ഗീസ്, എന്നിവരും ചിത്രത്തിൽ പ്രധാന കഥാപാത്രങ്ങളായി എത്തുന്നുണ്ട്. സഞ്ജിത്ത് ചന്ദ്രസേനൻ സംവിധാനം ചെയ്യുന്ന ചിത്രമാണ് ത്രയം.
Story highlights- appan movie trailer
