ഹരിശങ്കറിന്റെ ആലാപനത്തിനൊപ്പം ചുവടുവെച്ച് അനു സിതാര- വിഡിയോ

മലയാളികളുടെ മനസ്സിൽ തന്റേതായ ഇടം നേടാൻ ചുരുങ്ങിയകാലംകൊണ്ട് സാധിച്ച നടിയാണ് അനു സിതാര. അഭിനയത്തിനൊപ്പം മനോഹരമായ നൃത്തചുവടുകൾകൊണ്ടും അനു സിതാര പ്രിയങ്കരിയായി മാറി. സിനിമകളുടെ വിശേഷങ്ങൾക്കൊപ്പം നൃത്ത വിഡിയോകളും പങ്കുവയ്ക്കാറുണ്ട് അനു സിതാര. ഇപ്പോഴിതാ, മനോഹരമായ ഒരു കവർ ഡാൻസ് ഒരുക്കിയിരിക്കുകയാണ് നടി.

കെ എസ് ഹരിശങ്കർ ആണ് ഗാനം ആലപിക്കുന്നത്. അതിനൊപ്പമാണ് അനു സിതാര ചുവടുവയ്ക്കുന്നത്.  നൃത്തവേദിയിൽ നിന്നുമാണ് അനു സിതാര സിനിമാലോകത്തേക്ക് എത്തിയത്. കുറഞ്ഞ സമയംകൊണ്ട് പ്രേക്ഷകരുടെ ഇഷ്ടം നേടിയ അനു സിതാര, ഒട്ടേറെ ചിത്രങ്ങളുമായി തിരക്കിലാണ്. ഷൂട്ടിങ്ങിനിടയിലും ലോക്ക് ഡൗൺ സമയത്ത് ആരംഭിച്ച യുട്യൂബ് ചാനലിൽ വിശേഷങ്ങളുമായി എത്താൻ നടി ശ്രമിക്കാറുണ്ട്. പുതിയ നൃത്തവിഡിയോയും യുട്യൂബ് ചാനലിലാണ് പങ്കുവെച്ചിരിക്കുന്നത്.

അതേസമയം, വാതിൽ എന്ന ചിത്രമാണ് അനു സിതാര നായികയായി ഒരുങ്ങുന്നത്. വിനയ് ഫോർട്ട്, കൃഷ്ണ ശങ്കർ, അനു സിതാര എന്നിവരെ പ്രധാന കഥാപാത്രങ്ങളാക്കി സർജു രമാകാന്ത് സംവിധാനം ചെയ്യുന്ന ചിത്രമാണ് വാതിൽ. സ്പാർക്ക് പിക്ചേഴ്‌സിന്റെ ബാനറിൽ സുജി കെ ഗോവിന്ദ് രാജ്, രജീഷ് വളാഞ്ചേരി എന്നിവർ ചേർന്നാണ് ചിത്രം നിർമിക്കുന്നത്. സിനിമയുടെ ചിത്രീകരണം തിരുവനന്തപുരത്ത് പുരോഗമിക്കുകയാണ്.

Read More: കോളേജ് വിദ്യാർത്ഥികൾക്കൊപ്പം ചുവടുവെച്ച് ഉണ്ണി മുകുന്ദനും അഞ്ചു കുര്യനും- വിഡിയോ

അതേസമയം അനു സിതാര പ്രധാന കഥാപാത്രമായെത്തുന്ന മറ്റൊരു ചിത്രമാണ് അനുരാധ ക്രൈം നമ്പര്‍-59/2019′ ഇന്ദ്രജിത്താണ് ചിത്രത്തില്‍ നായകകഥാപാത്രമായെത്തുന്നത്. ഷാന്‍ തുളസീധരനാണ് ചിത്രത്തിന്റെ സംവിധാനം. വിഷ്ണു ഉണ്ണികൃഷ്ണനും ചിത്രത്തില്‍ ഒരു പ്രധാന കഥാപാത്രമായെത്തുന്നുണ്ട്.

Story highlights-Ay Hairathe Dance Cover by anusithara