ഭക്തി നിറച്ച് ‘നാഥാ’, ശ്രദ്ധനേടി ക്രിസ്തീയ ഭക്തി ഗാനം
സംഗീതാസ്വാദകരുടെ മുഴുവൻ ശ്രദ്ധയാകർഷിക്കുകയാണ് നാഥാ എന്ന പേരിൽ പുറത്തിറങ്ങിയ ക്രിസ്തീയ ഭക്തി ഗാനം. അനിത ഷെയ്‌ഖിന്റെ വരികൾക്ക് അനിതയും ജാസി ഗിഫ്റ്റും ചേർന്ന് പാടിയിരിക്കുന്ന ഗാനത്തിന്റെ സംഗീതം ഒരുക്കിയിരിക്കുന്നതും അനിത തന്നെയാണ്. സൂഫിഗാനാലാപനത്തിലൂടെ ശ്രദ്ധേയയായ ഗായികയാണ് അനിത. അനിതയ്‌ക്കൊപ്പം പ്രിയഗായകൻ ഗാസി ഗിഫ്റ്റ് കൂടി എത്തിയത് പാട്ടിനെ കൂടുതൽ സ്വീകാര്യമാക്കി.
മികച്ച ദൃശ്യാനുഭവം കൂടി സമ്മാനിച്ചുകൊണ്ടാണ് നാഥാ എന്ന മ്യൂസിക് ആൽബം കാഴ്ചക്കാരിലേക്കെത്തിയത്. പ്രകാശ് റാണയാണ് മനോഹരമായ ദൃശ്യങ്ങൾക്ക് പിന്നിൽ. സുരേഷ്, ശ്രീരാഗ് സുരേഷ്, കല്യാണി എന്നിവർ ചേർന്നാണ് മ്യൂസിക് പ്രൊഡക്ഷൻ നിർവഹിച്ചിരിക്കുന്നത്. ഗിറ്റാർ- ശ്രീമോനും മിക്സ് ആൻഡ് മാസ്റ്ററിങ് എബിൻ എസ് വിൻസെന്റും ബ്രോഡ്ബാൻഡ് അറ്റ്മോസും ചേർന്നാണ് നിർവഹിച്ചിരിക്കുന്നത്.
ഭക്തി നിറയ്ക്കുന്ന വരികൾകൊണ്ടും ആലാപനത്തിലെ മനോഹാരിതകൊണ്ടും പുറത്തിറങ്ങി മണിക്കൂറുകൾക്കകം നിരവധി സംഗീത പ്രേമികളുടെ ഹൃദയതാളങ്ങൾ കവർന്നുകഴിഞ്ഞു നാഥാ എന്ന സംഗീത ആൽബം. പാട്ടിനൊപ്പം തന്നെ മികച്ച ദൃശ്യാനുഭവമാണ് ആൽബം സമ്മാനിക്കുന്നത്.
Story highlights; Nadha Music Album
