‘രാവിൽ വീണാനാദം പോലെ’, മനോഹര നൃത്തച്ചുവടുകളുമായി പാർവതി നമ്പ്യാർ
രാവിൽ വീണാനാദം പോലെ… മലയാളികൾ കേൾക്കാൻ കൊതിക്കുന്ന മനോഹരഗാനത്തിന് നൃത്തച്ചുവടുകളുമായി എത്തുകയാണ് ചലച്ചിത്രതാരം പാർവതി നമ്പ്യാർ. പ്രേക്ഷകരുടെ ഇഷ്ടപ്പെട്ട റിയാലിറ്റി ഷോ സ്റ്റാർ മാജിക് വേദിയിൽ എത്തിയപ്പോഴാണ് മനോഹരമായ ഡാൻസുമായി പാർവതി എത്തിയത്. ഏഴ് സുന്ദര രാത്രികൾ എന്ന ചിത്രത്തിലൂടെ മലയാള സിനിമ മേഖലയിൽ അരങ്ങേറ്റം കുറിച്ചതാണ് പാർവതി. പിന്നീട് നിരവധി ചിത്രങ്ങളിലും അഭിനയിച്ച താരം മികച്ച ഒരു നർത്തകി കൂടിയാണ്.
കാഴ്ചക്കാർക്ക് ചിരിപ്പൂരം ഒരുക്കുന്ന ഫ്ളവേഴ്സ് സ്റ്റാർ മാജിക് വേദിയിൽ സിനിമ മേഖലയിലെ താരങ്ങളും അതിഥികളായി എത്താറുണ്ട്. അത്തരത്തിൽ ഇത്തവണ എത്തിയതാണ് ചലച്ചിത്രതാരം സലിംകുമാറും പാർവതി നമ്പ്യാരും. വേദിയിൽ കളിയും ചിരിയും ഗെയിമുകളുമൊക്കെയായി മനോഹരനിമിഷങ്ങൾ ഒരുക്കുന്നതിനിടെയാണ് നൃത്തച്ചുവടുകളുമായി താരം എത്തിയത്. മലയാളികൾ കേൾക്കാൻ കൊതിക്കുന്ന ഇഷ്ടഗാനത്തിന് ചുവടുവെച്ച താരത്തിന് നിറഞ്ഞ കൈയടിയാണ് വേദിയിൽ നിന്നും ലഭിച്ചത്.
കളിയും ചിരിയും തമാശകളും സർപ്രൈസുകളുമൊക്കെയായി കാഴ്ചക്കാർക്ക് വ്യത്യസ്തമായ അനുഭവമാണ് സ്റ്റാർ മാജിക് വേദി ഓരോ തവണയും സമ്മാനിക്കുന്നത്. ചിരിയുടെ സുന്ദര നിമിഷങ്ങൾ നൽകുന്ന സ്റ്റാർ മാജിക് വേദിയെ മലയാള ടെലിവിഷൻ പ്രേക്ഷകർ ഇതിനോടകം നെഞ്ചേറ്റിയതാണ്. ഇത്തവണ സ്റ്റാർ മാജിക് താരങ്ങളുടെ തമാശകൾക്കൊപ്പം മനോഹരമായ നൃത്തച്ചുവടുകളുമായി പാർവതിയും എത്തിയത് വേദിയിൽ കൂടുതൽ ആവേശമായി.
Story highlights; Parvathy Nambiar dance video
