അമ്മയ്‌ക്കൊപ്പം മനോഹര ചുവടുകളുമായി വൃദ്ധിക്കുട്ടി; ഒപ്പം അച്ഛനും കുഞ്ഞനിയനും- വിഡിയോ
മലയാള ടെലിവിഷൻ പ്രേക്ഷകർക്കിടയിൽ അഭിമാനാമായി മാറിയ ബാലതാരങ്ങളുടെ നീണ്ട നിര തന്നെയുണ്ട്. അവരുടെ നിഷ്കളങ്കതയും അഭിനയ പാടവവും ചാരുതയും പകരം വെക്കാനില്ലാത്തതാണ്. എന്നിരുന്നാലും, ടെലി പ്രേക്ഷകർക്ക് ഏറ്റവും പ്രിയപ്പെട്ട താരമാണ് വൃദ്ധി വിശാൽ. ചെറുപ്പത്തിൽ തന്നെ അഭിനയത്തിലും നൃത്തത്തിലുമെല്ലാം കഴിവ് തെളിയിച്ച വൃദ്ധി വിശാൽ നർത്തകരായ അച്ഛന്റെയും അമ്മയുടെയും മകളാണ്.
ഇപ്പോഴിതാ, അമ്മയ്‌ക്കൊപ്പം ചുവടുവയ്ക്കുന്ന വൃദ്ധി വിശാലിന്റെ വിഡിയോ ശ്രദ്ധനേടുകയാണ്. മുൻപും വൃദ്ധിയുടെ ചുവടുകൾ ശ്രദ്ധനേടിയിരുന്നു. 5 വയസ്സുകാരിയായ വൃദ്ധിയ്ക്ക് ഒറ്റ രാത്രികൊണ്ടാണ് താരമായി മാറിയത്. സീരിയൽ നടൻ അഖിൽ ആനന്ദിന്റെ വിവാഹ സൽക്കാരത്തിനിടെ ചിത്രീകരിച്ച വിഡിയോയിൽ, അല്ലു അർജുന്റെ ഹിറ്റ് ഗാനം ‘രാമുലോ രാമുല’ എന്ന ഗാനത്തിന് വൃദ്ധി ചുവടുവെച്ചിരുന്നു. ഇങ്ങനെയാണ് താരമായി മാറിയത്. അനായാസമായ നൃത്തച്ചുവടുകളിലൂടെ വൃദ്ധി പെട്ടെന്നുതന്നെ ശ്രദ്ധ പിടിച്ചുപറ്റി.
Read More: ചിത്രീകരണം പൂർത്തിയായി- സെറ്റിൽ ചുവടുവെച്ച് മീര ജാസ്മിൻ
ഒരു പരമ്പരയിൽ പ്രധാന കഥാപാത്രത്തെയാണ് വൃദ്ധി അവതരിപ്പിക്കുന്നത്. അടുത്തിടെ, ‘സ്റ്റാർ മാജിക്’ ഗെയിം ഷോയിലെ സെലിബ്രിറ്റി അതിഥിയായും എത്തിയിരുന്നു. സാറാസിലെ കുഞ്ഞിപ്പുഴുവായി എത്തി വിസ്മയിപ്പിച്ച വൃദ്ധി വിശാൽ പൃഥ്വിരാജിനൊപ്പം കടുവയിലും വേഷമിടുന്നുണ്ട്. വൃദ്ധിയുടെ അച്ഛൻ വിശാൽ കണ്ണനും അമ്മ ഗായത്രിയും നർത്തകരാണ്.കൊറിയോഗ്രാഫറാണ് വിശാൽ. വൃദ്ധിയ്ക്ക് ഒരു കുഞ്ഞനിയനുമുണ്ട്.
Story highlights- vridhi vishal dances with mother
