മിന്നൽ മുരളിക്ക് യുവരാജ് സിംഗിന്റെ സ്പീഡ് ടെസ്റ്റ്-വിഡിയോ
മലയാളത്തിൽ നിന്നും ഒരു സൂപ്പർ ഹീറോ ചിത്രമായി റിലീസിന് ഒരുങ്ങുകയാണ് മിന്നൽ മുരളി. ബേസിൽ ജോസഫ്- ടൊവിനോ തോമസ് കൂട്ടുകെട്ടിൽ ഒരുങ്ങുന്ന ചിത്രം നെറ്റ്ഫ്ലിക്സ് റിലീസായി ഡിസംബർ 24നാണ് പ്രേക്ഷകരിലേക്ക് എത്തുന്നത്. റിലീസിന് മുന്നോടിയായി ചിത്രത്തിന്റെ നിരവധി പ്രൊമോ വിഡിയോകളാണ് അണിയറപ്രവർത്തകർ പുറത്തുവിടുന്നത്. ഇപ്പോഴിതാ, യുവരാജ് സിംഗിന് ഒപ്പമുള്ള രസകരമായ വിഡിയോയാണ് ഇപ്പോൾ പ്രേക്ഷകരിലേക്ക് എത്തിയിരിക്കുന്നത്.
ബാംഗ്ലൂർ ഡേയ്സ്, മുന്തിരിവള്ളികൾ തളിർക്കുമ്പോൾ, പടയോട്ടം എന്നീ ചിത്രങ്ങൾക്ക് ശേഷം വീക്കെൻഡ് ബ്ലോക്ക്ബസ്റ്റേഴ്സിന്റെ ബാനറിൽ സോഫിയ പോളാണ് ചിത്രം നിർമ്മിക്കുന്നത്. വിവിധ ഭാഷകളിലെ വേഷങ്ങളിലൂടെ മലയാളികൾക്ക് സുപരിചിതനായ ഗുരു സോമസുന്ദരവും ചിത്രത്തിൽ പ്രധാന വേഷത്തിൽ എത്തുന്നുണ്ട്.
അരുൺ അനിരുദ്ധൻ, ജസ്റ്റിൻ മാത്യു എന്നിവരാണ് ചിത്രത്തിൻ്റെ രചന നിർവഹിക്കുന്നത്. സമീർ താഹിറാണ് ക്യാമറ. ചിത്രത്തിലെ ഗാനങ്ങൾക്ക് സംഗീതം പകരുന്നത് ഷാൻ റഹ്‌മാനാണ്. ടൊവിനോയ്ക്കും ഗുരു സോമസുന്ദരത്തിനും പുറമെ അജു വർഗീസ്, ബൈജു, ഹരിശ്രീ അശോകൻ, ഫെമിന ജോർജ് എന്നിവരാണ് ചിത്രത്തിലെ മറ്റ് അഭിനേതാക്കൾ.
Read More: ലേഡീസ് ഹോസ്റ്റലിലെ ചിരിമേളവുമായി ‘അശുഭമംഗളകാരി..’; ‘സൂപ്പർ ശരണ്യ’യിലെ ഗാനം
വി എഫ് എക്‌സിനും സംഘട്ടനങ്ങൾക്കും വലിയ പ്രാധാന്യമുള്ള ചിത്രത്തിലെ സംഘട്ടന രംഗങ്ങൾ ബാറ്റ്മാൻ, ബാഹുബലി, സുൽത്താൻ എന്നെ ചിത്രങ്ങളിൽ പ്രവർത്തിച്ച വ്ലാഡ് റിംബർഗാണ് ഒരുക്കുന്നത്.
Story highlights- Yuvraj Singh Puts Minnal Murali To The Test
