ഇത് ഒറിജിനലിനെ വെല്ലും മഞ്ഞുശില്പം; മഞ്ഞിൽ ഭീമൻ സർപ്പരൂപം ഒരുക്കി കലാകാരൻ- കൗതുകക്കാഴ്ച

കലയുടെ അതിമനോഹരമായ കയ്യൊപ്പ് പതിഞ്ഞവർ ധാരാളം നമുക്കുചുറ്റുമുണ്ട്. അവർ ചിലപ്പോൾ വിസ്മയങ്ങൾ സമ്മാനിക്കും. അത്തരമൊരു വിസ്മയം മഞ്ഞിൽ വിരിഞ്ഞതാണ് ഇപ്പോൾ കൗതുകം സൃഷ്ടിക്കുന്നത്. മഞ്ഞിൽ ഒരു ഭീമാകാരനായ സർപ്പരൂപം കൈകൊണ്ടും ചില വസ്തുക്കളും ഉപയോഗിച്ച് ഒരുക്കിയിരിക്കുകയാണ് അതുല്യനായ ഒരു കലാകാരൻ.

കൈയും ചില അടിസ്ഥാന ഉപകരണങ്ങളും ഉപയോഗിച്ച് ഐസിൽ നിന്ന് ഒരു ഭീമൻ പാമ്പിനെ നിർമിച്ചിരിക്കുകയാണ് ഇദ്ദേഹം. നിർമാണ പ്രക്രിയ കാണിക്കുന്ന ഒരു ടൈം-ലാപ്സ് ക്ലിപ്പ് ഇപ്പോൾ സമൂഹമാധ്യമങ്ങളിൽ ശ്രദ്ധനേടുകയാണ്. വട്ടംചുറ്റി കിടക്കുന്ന സർപ്പരൂപമാണ് പേര് അജ്ഞാതമായ ഈ കലാകാരൻ സൃഷ്ടിച്ചിരിക്കുന്നത്.

Read Also: മിന്നൽ ഷിബുവിനെ തേടി എത്തിയ ഉഷ- സ്റ്റാർ മാജിക്കിൽ ചിരിയുടെ മിന്നലാട്ടം പകർന്ന നിമിഷം

മുൻപ് മലയാളിയായ കലാകാരൻ ഡാവിഞ്ചി സുരേഷ് ബിസ്‌ക്കറ്റുകളും മറ്റ് ബേക്കറി ഉൽപ്പന്നങ്ങളും ഉപയോഗിച്ച് തെയ്യത്തിന്റെ മുഖം ചിത്രീകരിക്കുന്ന ഒരു കലാസൃഷ്ടി ഒരുക്കിയത് ലോകശ്രദ്ധ നേടിയിരുന്നു. 24 അടി നീളമുള്ള ഈ കലാസൃഷ്ടി നിർമിക്കാൻ ഏകദേശം 15 മണിക്കൂർ എടുത്തു. അതുപോലെ കൗതുകമാകുകയാണ് ഈ സർപ്പരൂപവും.

Story highlights- Artist’s coiled up ice snake sculpture