ആശിർവാദ് സിനിമാസിന്റെ 22 വർഷങ്ങൾ..; ആഘോഷമാക്കി മോഹൻലാലും ആന്റണി പെരുമ്പാവൂരും- വിഡിയോ
മലയാളികൾക്ക് ഒട്ടേറെ സിനിമകൾ സമ്മാനിച്ച ബാനറാണ് ആശിർവാദ് സിനിമാസ്. 22 വർഷമായി തുടരുന്ന വിജയഗാഥ ഇപ്പോൾ ആഘോഷ നിറവിലാണ്. ആശിർവാദ് സിനിമാസിന്റെ ഇരുപത്തിരണ്ടാം വാർഷികം ആഘോഷിച്ചിരിക്കുകയാണ് മോഹൻലാലും ആന്റണി പെരുമ്പാവൂരും. നരസിംഹം മുതൽ ഇത്രയും കാലം തങ്ങൾക്കൊപ്പം നിന്നതിൽ നന്ദി പറഞ്ഞ് കേക്ക് മുറിച്ചുകൊണ്ടാണ് മോഹൻലാൽ ആഘോഷത്തിന് തുടക്കമിട്ടത്. ബറോസ് ലൊക്കേഷനിൽ ആയിരുന്നു ആഘോഷം നടന്നത്.
ഛായാഗ്രാഹകനും സംവിധായകനുമായ സന്തോഷ് ശിവൻ, സംവിധായകൻ ടി.കെ. രാജീവ് കുമാർ തുടങ്ങിയവരും മോഹൻലാലിനും ആന്റണി പെരുമ്പാവൂരിനും ഒപ്പം ആഘോഷത്തിൽ പങ്കെടുത്തു. മോഹൻലാലിൻറെ സന്തത സഹചാരിയായ ആന്റണി പെരുമ്പാവൂർ 2000 ലാണ് ആശിർവാദ് സിനിമാസ് നരസിംഹം എന്ന സിനിമയിലൂടെ ആരംഭിച്ചത്.
Read Also: ‘ഞങ്ങളൊക്ക ജൂനിയർ മോഡൽസാ..’- പാട്ടുവേദിയിൽ ചിരിപടർത്തിയെത്തിയ കുഞ്ഞതിഥി- വിഡിയോ
29 ചിത്രങ്ങളാണ് ഇതുവരെ ആശിർവാദ് സിനിമാസിന്റെ ബാനറിൽ ഒരുങ്ങിയിരിക്കുന്നത്. എലോൺ, 12ത് മാൻ, മോൺസ്റ്റർ, ബറോസ്, എമ്പുരാൻ തുടങ്ങിയവയാണ് ആശീര്‍വാദിന്‍റേതായി അടുത്തതായി വരാനിരിക്കുന്ന ചിത്രങ്ങൾ.
Story highlights- ashirvad cinemas 22nd anniversary celebration
