‘നമ്മുടെ കാരണവന്മാരുടെ ആറ്റിട്യൂഡ്, അടിപൊളിയാ’- ചിരിപടർത്തി ‘ബ്രോ ഡാഡി’യിലെ രസികൻ രംഗം
മോഹൻലാലിനെ നായകനാക്കി പൃഥ്വിരാജ് സംവിധാനം ചെയ്ത പുതിയ ചിത്രമാണ് ബ്രോ ഡാഡി. സംവിധാനത്തിന് പുറമെ ചിത്രത്തിൽ അഭിനയിച്ചിട്ടുമുണ്ട് പൃഥ്വിരാജ്. അച്ഛനും മകനുമായാണ് മോഹൻലാലും പൃഥ്വിരാജ് സുകുമാരനും ചിത്രത്തിൽ വേഷമിട്ടിരിക്കുന്നത്. ഇപ്പോഴിതാ, സിനിമയിലെ വളരെ രസകരമായ ഒരു രംഗം പുറത്തുവന്നിരിക്കുകയാണ്.
ഇരുവരും ചേർന്നുള്ള ഒരു രസികൻ രംഗമാണിത്. ബ്രോ ഡാഡിയുടെ പ്രഖ്യാപനം മുതൽ തന്നെ ചിത്രം ഇരുതാരങ്ങളുടെയും ആരാധകർക്കിടയിൽ ആവേശം പകർന്നിരുന്നു. മോഹൻലാൽ, പൃഥ്വിരാജ്, മീന സാഗർ, കനിഹ എന്നിവരാണ് ചിത്രത്തിൽ പ്രധാന വേഷത്തിൽ എത്തുന്നത്. ഹൈദരാബാദിലാണ് ചിത്രത്തിന്റെ ഷൂട്ടിംഗ് പൂർത്തിയായത്.
അതേസമയം, ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിക്കുന്ന ചിത്രത്തിന്റെ രചന ശ്രീജിത്തും ബിബിനും ചേർന്നാണ്. ലാലു അലക്സ്, മുരളി ഗോപി, കനിഹ, സൗബിൻ എന്നിവരും ചിത്രത്തിന്റെ ഭാഗമാകുന്നു.പൃഥ്വിരാജ് സംവിധാനം ചെയ്യുന്ന രണ്ടാമത്തെ ചിത്രമാണ് ബ്രോ ഡാഡി. ലൂസിഫർ എന്ന ചിത്രമായിരുന്നു പൃഥ്വിരാജ് ആദ്യമായി സംവിധാനം ചെയ്തത്. ഈ ചിത്രത്തിലും മോഹൻലാൽ ആയിരുന്നു നായകൻ. ബ്രോ ഡാഡിക്ക് ശേഷം, ലൂസിഫറിന്റെ രണ്ടാം ഭാഗത്തിലും ഇരുവരും വീണ്ടും ഒന്നിക്കാനുള്ള തയ്യാറെടുപ്പിലാണ്.
Story highlights-bro daddy comedy
