‘ഒണക്കമുന്തിരി പറക്ക, പറക്ക’- ഹിറ്റ് ഗാനത്തിന് ചുവടുവെച്ച് ശില്പ ബാല
വിനീത് ശ്രീനിവാസന്റെ സംവിധാനത്തിൽ റിലീസിന് ഒരുങ്ങുന്ന ചിത്രമാണ് ഹൃദയം. ചിത്രത്തിലെ ഒണക്കമുന്തിരി പറക്ക, പറക്ക എന്ന ഗാനം ഇതിനോടകം മലയാളികളുടെ ഹിറ്റ്ലിസ്റ്റിൽ ഇടംനേടിക്കഴിഞ്ഞു. പ്രണവ് മോഹൻലാൽ, കല്യാണി പ്രിയദർശൻ, ദർശന രാജേന്ദ്രൻ എന്നിവർ വേഷമിടുന്ന ചിത്രത്തിലെ ഈ ഹിറ്റ് ഗാനത്തിന് ചുവടുവയ്ക്കുകയാണ് നടി ശിൽപ ബാല.
സ്വന്തം കൊറിയോഗ്രഫിയിൽ ഒരുങ്ങിയ നൃത്തം യുട്യൂബ് ചാനലിലൂടെയാണ് ശില്പ ബാല പുറത്തുവിട്ടത്. മുൻപും നൃത്തവിഡിയോകളുമായി നടി എത്തിയിരുന്നു. ‘പൂക്കൾ പൂക്കും..’ എന്നുതുടങ്ങുന്ന ഗാനത്തിനാണ് ശിൽപയും നടി മൃദുലയും അടുത്തിടെ ചുവടുവെച്ചത്.
സൗഹൃദങ്ങളിൽ ജീവിക്കുന്ന വ്യക്തിയാണ് നടി ശില്പ ബാല. എന്നും തനിക്ക് ചുറ്റും സൗഹൃദത്തിന്റെ ഒരു വലയം കാത്തുസൂക്ഷിക്കാറുള്ള ശിൽപ സുഹൃത്തുക്കളുടെയൊപ്പം ചിലവഴിക്കാൻ സാധിക്കുന്ന ഒരു അവസരവും പാഴാക്കാറില്ല. സിനിമയ്ക്കുള്ളിൽ തന്നെ വലിയൊരു സൗഹൃദ കൂട്ടായ്മ നടിക്കുണ്ട്. അടുത്തിടെ നടി ഭാവന, രമ്യ നമ്പീശൻ, മൃദുല മുരളി, സയനോര എന്നിവർക്കൊപ്പം ശില്പ നൃത്തം ചെയ്ത വിഡിയോ ശ്രദ്ധേയമായി മാറിയിരുന്നു.
Read Also: കപ്പേള തമിഴിലേക്ക്; റീമേക്ക് അവകാശം സ്വന്തമാക്കി ഗൗതം മേനോൻ
അതേസമയം, സിനിമയിൽ ഭാവന, രമ്യ നമ്പീശൻ, സയനോര, മൃദുല, ശില്പ ബാല എന്നിവർക്കിടയിലെ സൗഹൃദം പ്രസിദ്ധമാണ്. വിവാഹശേഷം ബാംഗ്ലൂർ സ്ഥിരതാമസമാക്കിയ ഭാവന ഇടവേളകളിൽ നാട്ടിലേക്ക് വരുമ്പോൾ ഇവർക്കൊപ്പം ഒത്തുചേരാറുണ്ട്. വിവാഹശേഷം യുട്യൂബ് ചാനലുമായി സജീവമാണ് ശില്പ ബാല. മകളുടെയും കുടുംബത്തിന്റെയും വിശേഷങ്ങളെല്ലാം നടി പങ്കുവയ്ക്കാറുണ്ട്. അടുത്തിടെ ഫ്‌ളവേഴ്‌സ് ടി വിയിൽ സംപ്രേഷണം ചെയ്ത കോമഡി ഉത്സവത്തിൽ അവതാരകയായും ശില്പ എത്തിയിരുന്നു.
Story highlights- Onakka munthiri dance cover
