എത്ര തവണ കണ്ടാലും രഹസ്യം മനസിലാക്കാനാവാത്ത മാജിക് ട്രിക്ക്; 16 മില്യൺ കാഴ്ചകൾ നേടിയ ഒരു വിഡിയോ
പ്രായമെത്രയായാലും മാജിക് ട്രിക്കുകളോടുള്ള കൗതുകം മനുഷ്യന് നഷ്ടമാകില്ല. സമയോചിതമായ പ്രവർത്തനവും മനഃസാന്നിധ്യവും കൊണ്ടാണ് ആളുകളുടെ കണ്ണുകളെ കബളിപ്പിക്കുന്ന മാജിക്കുകൾ വിജയകരമായി പിറക്കുന്നത്. ഇത്തരം കാഴ്ചകളോട് കൗതുകം പുലർത്തുന്ന ആളാണ് നിങ്ങളെങ്കിൽ എത്ര കണ്ടാലും മതിവരാത്ത ഒരു മാജിക് കാഴ്ചയിലേക്കാണ് ശ്രദ്ധ ക്ഷണിക്കുന്നത്.
ഒരു കുഞ്ഞു പായ്‌ക്കറ്റ് പഞ്ചസാര ഉപയോഗിച്ച് ഒരാൾ മാന്ത്രികവിദ്യ കാണിക്കുന്ന വിഡിയോ സമൂഹമാധ്യമങ്ങളിൽ അമ്പരപ്പിച്ചുകൊണ്ട് പ്രചരിക്കുകയാണ്‌. സോഷ്യൽ മീഡിയ പ്ലാറ്റ്‌ഫോമുകളിൽ പ്രചരിക്കുന്ന വിഡിയോ ടിക് ടോക്കിൽ നിന്നുമാണ് വൈറലായത്. ഈ വിഡിയോയിൽ, ഒരാൾ പഞ്ചസാരയുടെ പാക്കറ്റ് തുറന്ന് ഇടത് കൈയിലേക്ക് പകരുന്നത് കാണാം. മുഷ്ടി ചുരുട്ടിപിടിച്ചാണ് പഞ്ചസാര പകർത്തുന്നത്.
പിന്നീട് ഒഴിഞ്ഞ പൊതി വായിൽ കടിച്ചുപിടിച്ച്, പഞ്ചസാര വായുവിലേക്ക് എറിയുന്നതായി കാണാം. പിന്നാലെ ഇടതു കൈകൊണ്ട് ഒഴിഞ്ഞ പൊതി പിടിക്കുകയും വലതു കൈകൊണ്ട് പഞ്ചസാര വായുവിൽ നിന്ന് പിടിക്കുകയും ചെയ്യുന്നു. പെട്ടെന്നുതന്നെ തന്റെ വലതു കൈയിൽ നിന്ന് പഞ്ചസാര പാക്കറ്റിലേക്ക് പകരുന്നു..അത്ഭുതവും അമ്പരപ്പുമെല്ലാം ഒറ്റ നിമിഷത്തിൽ വന്നുപോകും ഈ മാജിക് ട്രിക്കിന് മുന്നിൽ.
I’ve watched this 57 times and still can’t figure it out 😵💫 (via jadon.ray/TT) pic.twitter.com/TjsFrm7Udg
— Overtime (@overtime) February 25, 2022
Read Also: ഷാജഹാൻ അങ്കിൾ താജ്‌ മഹൽ നിർമ്മിച്ചതിന് പിന്നിലെ രഹസ്യവുമായി മേഘ്‌നക്കുട്ടി; പാട്ടുവേദിയിൽ ചിരിമേളം
‘ഞാൻ ഇത് 57 തവണ കണ്ടു, ഇപ്പോഴും അത് മനസ്സിലാക്കാൻ കഴിഞ്ഞില്ല.’ എന്നാണ് വിഡിയോയുടെ അടിക്കുറിപ്പ്. കണ്ടുകഴിയുമ്പോൾ ഓരോരുത്തരുടെയും അവസ്ഥ ഇതാണ്. എന്താണ് ഈ നിമിഷങ്ങൾക്കുള്ളിൽ സംഭവിച്ചത് എന്ന് തീരെ മനസിലാകില്ല. 16 മില്യൺ കാഴ്‌ചകളും 8 ലക്ഷത്തിലധികം ലൈക്കുകളും നേടിയ വിഡിയോ വളരെയധികം വൈറലായിക്കഴിഞ്ഞു. തന്ത്രം മനസിലാക്കാൻ ശ്രമിച്ച ആരും വിജയിച്ചതുമില്ല.
Story highlights- magic trick with sugar sachet baffles netizens
