പ്രിയപ്പെട്ട അപ്പുവിന് പിറന്നാൾ ആശംസകൾ, പുനീതിന്റെ ഓർമയിൽ സിനിമാലോകം
കന്നഡ സൂപ്പർതാരം പുനീത് രാജ്കുമാറിന്റെ വിയോഗം ഏറെ ഞെട്ടലോടെയാണ് തെന്നിന്ത്യൻ സിനിമാലോകം കേട്ടറിഞ്ഞത്. മരണശേഷവും സിനിമ ഓർമകളിൽ നിറയുന്ന താരത്തിന്റെ ഏറ്റവും പുതിയ ചിത്രം ജെയിംസ് ഇന്ന് തിയേറ്ററുകളിൽ എത്തുയിരിക്കുകയാണ്. തിയേറ്ററുകൾ ചിത്രം മികച്ച പ്രതികരണം നേടി മുന്നേറുമ്പോഴും കണ്ണുനീരോടെയല്ലാതെ ചിത്രം കണ്ടിരിക്കാനാകുന്നില്ല സിനിമാപ്രേമികൾക്ക്. അണിയറക്കാരുടെ ആഗ്രഹംപോലെത്തന്നെ പുനീതിന്റെ ജന്മദിനത്തിലാണ് സിനിമ പ്രേക്ഷകരിലേക്കെത്തിയിരിക്കുന്നത്. സിനിമ താരങ്ങൾ ഉൾപ്പെടെ മറ്റൊരു ലോകത്തുള്ള താരത്തിന് ജന്മദിനാശംസകളും നേരുന്നുണ്ട്. പ്രിയപ്പെട്ട അപ്പുവിന് ജന്മദിനാശംസകൾ, പുനീത് എന്നും ഞങ്ങളുടെ ഹൃദയത്തിൽ ഉണ്ടാകും എന്നാണ് ചലച്ചിത്രതാരം ഭാവന സമൂഹമാധ്യമങ്ങളിൽ കുറിച്ചത്.
അതേസമയം പൂനീത് രാജ്കുമാറിന്റെ ചിത്രങ്ങളുടെ വീഡിയോയും പങ്കുവെച്ചുകൊണ്ടാണ് ഭാവന പിറന്നാൾ ആശംസിച്ചത്. പുനീത് രാജ്‍കുമാര്‍ അന്തരിച്ചപ്പോള്‍ വികാരനിര്‍ഭരമായ കുറിപ്പ് ഭാവന പങ്കുവെച്ചിരുന്നു. അതേസമയം കന്നഡയിൽ ഭാവന നായികയായി ആദ്യമെത്തിയ ജാക്കീ എന്ന ചിത്രത്തിൽ നായകവേഷത്തിൽ എത്തിയത് പുനീത് ആയിരുന്നു. ചിത്രം വൻ ഹിറ്റായിരുന്നു. പിന്നീട് മൂന്ന് ചിത്രങ്ങളിലും ഇരുവരും ഒന്നിച്ചഭിനയിച്ചു. താരത്തിന് പിന്നാലെ സിനിമ മേഖലയിലെ നിരവധിപ്പേരും താരത്തിന്റെ ഓർമകൾ സമൂഹമാധ്യമങ്ങളിലൂടെ പങ്കുവയ്ക്കുന്നുണ്ട്. താരത്തിന്റെ ചിത്രത്തിന് എല്ലാവിധ ആശംസകളും നേർന്ന് മോഹൻലാലും എത്തിയിരുന്നു. മോഹന്‍ലാലിന് അടുത്ത വ്യക്തിബന്ധമുള്ള ആളായിരുന്നു പുനീത് രാജ്‌കുമാർ.
Read also: ചവേറാക്രമണത്തിൽ കാലുകൾ നഷ്ടമായി; അതിജീവനവും സിനിമയായി, ലിസ ഇപ്പോൾ കേരളത്തിലേക്കും
Dear Puneeth,
— Mohanlal (@Mohanlal) March 16, 2022
I’m sure your film #James is going to be a great one. It will have a special place in all our hearts. We miss you…#PuneethRajkumar pic.twitter.com/n1B3B8UwKk
പുനീത് നായകനായ ജെയിംസ് എന്ന ചിത്രമാണ് ഇന്ന് തിയേറ്ററുകളിൽ എത്തിയത്. ചേതൻ കുമാർ സംവിധാനം നിർവഹിച്ച ചിത്രത്തിന്റെ പോസ്റ്റ് പ്രൊഡക്ഷൻ വർക്കുകൾ നടക്കുന്നതിനിടെയാണ് പുനീത് മരണത്തിന് കീഴടങ്ങിയത്. ചിത്രത്തിന്റെ ഡബ്ബിങ് പൂർത്തീകരിക്കാൻ കഴിയാത്തതിനാൽ സിനിമയിൽ പുനീതിന് വേണ്ടി ശബ്ദം നൽകിയത് സഹോദരൻ ശിവരാജ് കുമാറായിരുന്നു. ചേതൻ കുമാര്‍ തന്നെയാണ് ചിത്രത്തിന്റെ തിരക്കഥയും എഴുതുന്നത്. പ്രിയ ആന്ദ്, അരുണ്‍ പ്രഭാകര്‍, ശ്രീകാന്ത്, ആര്‍ ശരത്‍കുമാര്‍ ഹരീഷ് പേരടി, തിലക് ശേഖറ്‍, മുകേഷ് ഋഷി, ആദിത്യ മേനോൻ, രംഗയാന രഘു, അവിനാശ്, സധു കോകില, ചിക്കണ്ണ, സുചേന്ദ്ര പ്രസാത് തുടങ്ങി ഒട്ടേറെ താരങ്ങള്‍ ‘ജെയിംസി’ല്‍ എത്തുന്നുണ്ട്. ലോകമാകെ 4000 സ്ക്രീനുകളിൽ പ്രദർശനത്തിനെത്തിയ ചിത്രത്തിന് വിവിധ ഇടങ്ങളിൽ നിന്നുമായി മികച്ച പ്രതികരണങ്ങളാണ് ലഭിച്ചുകൊണ്ടിരിക്കുന്നത്.
Story highlights: Bhavana wishes to Puneet Rajkumar
