കാര്യം കാട്ടിലെ രാജാവാണെങ്കിലും പോത്തിനെ പേടിയാണ്- ചിരിപടർത്തി സിംഹത്തിന്റെ രക്ഷപ്പെടൽ
കാടിന്റെ രാജാവാണ് സിംഹം. പുറമെ നോക്കുന്ന മനുഷ്യർക്ക് ആ തലയെടുപ്പും നടപ്പും ശൗര്യവുമെല്ലാം കാണുമ്പോൾ തര്ക്കവും ഇക്കാര്യത്തിൽ ഉണ്ടാകില്ല. എന്നാൽ, അത്രക്ക് ധൈര്യമുള്ളവയല്ല യഥാർത്ഥത്തിൽ സിംഹം. കാട്ടിലെ മറ്റ് ചെറിയ മൃഗങ്ങളെപ്പോലെ സിംഹങ്ങൾക്കും ഒരേപോലെ ഭയവും അമളിയും ഉണ്ടാകുമെന്ന് തെളിയിക്കുന്ന നിരവധി വിഡിയോകൾ സമൂഹമാധ്യമങ്ങളിൽ പ്രചരിക്കാറുണ്ട്. ഇപ്പോഴിതാ, അത്തരത്തിലുള്ള ഒരു സിംഹത്തിന്റെ രസികൻ വിഡിയോയാണ് ആഫ്രിക്കയിൽ നിന്നും ശ്രദ്ധനേടുന്നത്.
ഇൻസ്റ്റാഗ്രാമിൽ പങ്കിട്ട വിഡിയോയിൽ, സിംഹം സ്വയരക്ഷക്കായി മരത്തിൽ പറ്റിപ്പിടിച്ച് തൂങ്ങിക്കിടക്കുന്നത് കാണാം. ഒരു കൂട്ടം പോത്തുകൾ മരത്തിന് പിന്നിൽ നടക്കുന്നതും വിഡിയോയിലുണ്ട്. പോത്തുകൾ പോകാൻ തയ്യാറാകാത്ത സാഹചര്യത്തിൽ ഭയന്ന സിംഹം മരത്തിൽ തൂങ്ങിക്കിടക്കാൻ കഠിനമായി ശ്രമിക്കുന്നു.
Read Also: കുട്ടിക്കാലചിത്രങ്ങൾ പങ്കുവെച്ച് താരം, കമന്റ് ചെയ്ത് മോഹൻലാലും
പോസ്റ്റിന് ധാരാളം ലൈക്കുകളും രസകരമായ കമന്റുകളും ലഭിച്ചു. ലയൺ കിംഗ് എന്ന ചിത്രത്തിലെ കഥാപാത്രങ്ങളുമായി ബന്ധപ്പെട്ട രസകരമായ കമന്റുകളാണ് ആളുകൾ അധികവും പങ്കുവെച്ചത്.അതേസമയം, കുറച്ചുനാൾമുമ്പ് നിലത്തുനോക്കാതെ നടന്ന് വെള്ളത്തിൽ വീണ ഒരു സിംഹത്തിന്റെ വിഡിയോയാണ് സമൂഹമാധ്യമങ്ങളിൽ ചിരി പടർത്തിയിരുന്നു. കാര്യം കാട്ടിലെ രാജാവാണ് എന്നാലും ശ്രദ്ധിച്ചില്ലെങ്കിൽ ഇതാ ഇതുപോലെ കുഴിയിൽ കിടക്കും എന്നാണ് വിഡിയോ കണ്ട മിക്കവരും പറഞ്ഞത്. കനാലിനരികിലൂടെ നടന്നുനീങ്ങുകയായിരുന്ന രണ്ട് സിംഹങ്ങളിൽ ഒരാളാണ് വെള്ളത്തിലേക്ക് വീണത്. ഉടൻ നീന്തിവന്ന് സിംഹം കരയിലേക്ക് കയറുന്നതും വിഡിയോയിൽ കാണാം.
Story highlights- Lion tries to escape herd of buffaloes by clinging to a tree
