കച്ചാ ബദാമിന് ഇത്രയും ക്യൂട്ടായൊരു ഡാൻസ് കണ്ടിട്ടുണ്ടാകില്ല; ഹിറ്റ് ഗാനത്തിന് നഴ്‌സറിയിൽ ചുവടുവെച്ച് കുഞ്ഞുമിടുക്കി
കച്ചാ ബദാം തരംഗം അവസാനിക്കുന്നില്ല. ബോളിവുഡ് താരങ്ങൾ മുതൽ ഇൻസ്റ്റാഗ്രാം ഇൻഫ്ളുവന്സർമാർ വരെ കച്ചാ ബദാം ഡാൻസ് ചലഞ്ച് ഏറ്റെടുത്ത് സജീവമായിരിക്കുകയാണ്. ഒട്ടേറെ താരങ്ങളാണ് ഈ റീമിക്‌സിന് ചുവടുവെച്ചെത്തിയത്. ഇപ്പോഴിതാ, ഈ ഗാനത്തിന് നൃത്തം ചെയ്യുന്ന ഒരു കൊച്ചു പെൺകുട്ടിയുടെ 15 സെക്കൻഡ് വിഡിയോ ശ്രദ്ധനേടുകയാണ്.
ഭുബൻ ബദ്യാകർ പാടിയ കച്ചാ ബദാം ഗാനത്തിന് സ്‌കൂൾ യൂണിഫോമിൽ വൈറൽ സ്റ്റെപ്പുകളുമായി ആവേശം കൊള്ളിക്കുകയാണ് പെൺകുട്ടി. ഐഎഎസ് ഉദ്യോഗസ്ഥൻ അവനീഷ് ശരൺ ട്വിറ്ററിൽ പങ്കുവെച്ച പെൺകുട്ടിയുടെ വിഡിയോ ഇതിനോടകം 1.38 ലക്ഷം കാഴ്ചകൾ നേടി. ‘ക്യൂട്ടസ്റ്റ് കച്ചാ ബദാം’ എന്ന കുറിപ്പിനൊപ്പമാണ് അദ്ദേഹം വിഡിയോ പങ്കുവെച്ചിരിക്കുന്നത്.
Cutest ‘कच्चा बादाम’ ❤️ pic.twitter.com/YRln8CNA4X
— Awanish Sharan (@AwanishSharan) March 13, 2022
ഗുജറാത്തിലെ വനിതാ ശിശു വികസന വകുപ്പ് ഡെപ്യൂട്ടി ഡയറക്ടർ നേഹ കാന്താരിയയാണ് പെൺകുട്ടിയുടെ വിഡിയോ ആദ്യം പോസ്റ്റ് ചെയ്തത്. ‘ട്രെൻഡുകൾ നഗരപ്രദേശങ്ങളിൽ മാത്രമല്ല.. ഗ്രാമങ്ങളിലും ആഴത്തിൽ ഇറങ്ങി.. ട്രെൻഡിംഗിലുള്ള കച്ചാ ബദാം, ഗുജറാത്തിലെ അങ്കണവാടി കേന്ദ്രത്തിലെ കൊച്ചു പെൺകുട്ടി പാട്ടിന്റെ ഹിറ്റ് സ്റെപ്പിനൊപ്പം മനോഹരമായി ചെയ്തു’ നേഹ എഴുതി. ഗുജറാത്തിലെ ദ്വാരകയിലെ അംഗൻവാടിയിൽ നിന്നുള്ള കുട്ടിയാണ് നൃത്തം ചെയ്യുന്നത്.
Read Also: വേറിട്ട ലുക്കിൽ കുഞ്ചാക്കോ ബോബൻ; ശ്രദ്ധനേടി ‘ന്നാ താൻ കേസ് കൊട്’ ചിത്രത്തിന്റെ വിശേഷങ്ങൾ…
പശ്ചിമ ബംഗാളിൽ നിന്നുള്ള കടല വിൽപനക്കാരനായ ഭുബൻ ബദ്യകർ കണ്ടുപിടിച്ച ബംഗാളി ഗാനമാണ് കച്ചാ ബദാം. നിലവിൽ ഇന്റർനെറ്റിൽ ഏറ്റവും വൈറലായ ഗാനങ്ങളിലൊന്നാണ് കച്ചാ ബദാം. അത് ഇന്ത്യയിൽ മാത്രമല്ല ലോകമെമ്പാടുമുള്ള ആളുകളെ ആവേശത്തിലാക്കിയിരുന്നു. ഇൻസ്റ്റാഗ്രാമിൽ കച്ചാ ബദാം ട്രെൻഡ് സൃഷ്ടിച്ച കൊടുങ്കാറ്റ് ചെറുതല്ല. പലരും ഈ ഡാൻസ് ട്രെൻഡിൽ ചുവടുവെച്ചിരുന്നു.
Story highlights- Little girl dances to Kacha Badam in school uniform
