ജില്ലം ജില്ലം മേളത്തിനൊപ്പം ചുവടുവെച്ച് നയനയും ശശാങ്കനും- മനോഹരമായ വിഡിയോ
രസകരമായ നിമിഷങ്ങൾ എന്നും മലയാളികൾക്ക് സമ്മാനിക്കുന്ന ജനപ്രിയ ഷോയാണ് സ്റ്റാർ മാജിക്. അഭിനയ രംഗത്തെയും സമൂഹമാധ്യമങ്ങളിലെയും താരങ്ങളാണ് ഫ്‌ളവേഴ്‌സ് ടി വി ഒരുക്കുന്ന സ്റ്റാർ മാജിക്കിൽ അണിനിരക്കുന്നത്. സീരിയൽ രംഗത്ത് നിന്നും എത്തിയ അഭിനേതാക്കൾക്കും ഒട്ടേറെ ആരാധകരെ സമ്മാനിച്ചത് സ്റ്റാർ മാജിക് വേദിയാണ്. അഭിനയ ലോകത്തുനിന്നും എത്തിയതാണെങ്കിലും നൃത്തത്തിലൂടെ മനം കവർന്ന നയന ജോസിന് ആരാധകരെ സമ്മാനിച്ച പരിപാടികൂടിയാണ് സ്റ്റാർ മാജിക്.
ഇപ്പോഴിതാ, ഡയാനയും ശശാങ്കനും ചേർന്നുള്ള നൃത്തമാണ് ചിരിവേദിയിൽ നിന്നും ശ്രദ്ധനേടുന്നത്. ഹണിബീ എന്ന ചിത്രത്തിലെ ജില്ലം ജില്ലം എന്ന ഗാനത്തിനാണ് ഇരുവരും ചുവടുവയ്ക്കുന്നത്. നയനയുടെ ചടുലമായ ചുവടുകൾക്കൊപ്പം ശശാങ്കനും ചേർന്നപ്പോൾ രസകരവും മനോഹരവുമായ ഒരു പ്രകടനമാണ് കാഴ്ചക്കാർക്ക് ലഭിച്ചത്.
സ്കിറ്റുകളും ഗെയിമുകളുമൊക്കെയായി പ്രേക്ഷകരുടെ ഇഷ്ടം നേടിയ ചിരി വേദിയാണ് സ്റ്റാർ മാജിക്. സിനിമ, സീരിയൽ, കോമഡി കലാകാരന്മാർ അണിനിരക്കുന്ന പരിപാടിയിൽ ഗെയിമുകളും കോമഡി സ്കിറ്റുകളുമൊക്കെയാണ് അവതരിപ്പിക്കപ്പെടാറുള്ളത്. വേദിയിലെ സ്ഥിരം കലാകാരന്മാരെ കൂടാതെ അഭിനയ ലോകത്തെയും സമൂഹമാധ്യമങ്ങളിലെയും താരങ്ങളും സ്റ്റാർ മാജിക് വേദിയിൽ അതിഥികളായി എത്താറുണ്ട്.
Read Also: പ്രണയം പങ്കുവെച്ച് പ്രഭാസും പൂജയും; ശ്രദ്ധനേടി ‘രാധേ ശ്യാം’ ഗാനം
ലക്ഷ്മി നക്ഷത്ര ആതിഥേയത്വം വഹിക്കുന്ന സെലിബ്രിറ്റി ഗെയിം ഷോയ്ക്ക് വലിയ ആരാധക വൃന്ദം തന്നെയുണ്ട്. അതുകൊണ്ടുതന്നെ പ്രേക്ഷകർക്ക് കൗതുകമുണർത്തുന്ന രീതിയിൽ ഓരോ ആഘോഷങ്ങളും മാറ്റേറുന്നതാക്കി മാറ്റാറുണ്ട് സ്റ്റാർ മാജിക് ടീം.
Story highlights- nayana jose and sasankan dance performance
