ഐപിഎൽ അങ്കത്തട്ടിൽ മൂന്നാം വിജയത്തിനൊരുങ്ങി സഞ്ജുവും സംഘവും, നേരിടാനൊരുങ്ങി ബാംഗ്ലൂർ
ഐ പി എൽ അങ്കത്തട്ടിൽ ഇന്ന് സഞ്ജു സാംസന്റെ രാജസ്ഥാൻ റോയൽസും റോയൽ ചലഞ്ചേഴ്സ് ബാംഗ്ലൂരും ഏറ്റുമുട്ടും. മുംബൈ സ്‌റ്റേഡിയത്തിൽ വൈകിട്ട് ഏഴരയ്ക്ക് ആരംഭിക്കുന്ന മത്സരത്തിൽ തുടർച്ചയായ മൂന്നാം ജയം പ്രതീക്ഷിച്ച് സഞ്ജുവും ടീമും കളത്തിൽ ഇറങ്ങുമ്പോൾ കളിക്കളത്തിലെ പുതിയ തന്ത്രങ്ങളുമായാവും ബാംഗ്ലൂർ ടീം എത്തുക. അതേസമയം ഏറെ ആരാധകരുള്ള ഇരു ടീമുകളും കളിക്കളത്തിൽ എത്തുമ്പോൾ ക്രിക്കറ്റ് ആരാധകരുടെ ആവേശവും ചെറുതല്ല.
കഴിഞ്ഞ മത്സരങ്ങളിൽ ഹൈദരാബാദിനെതിരെയും മുംബൈയ്ക്കെതിരെയും രാജസ്ഥാൻ വിജയം നേടിയിരുന്നു. ഈ വിജയങ്ങളുടെ പിൻബലത്തിലാകും ഇന്ന് ടീം കളിക്കളത്തിൽ ഇറങ്ങുക. രാജസ്ഥാൻ ബാറ്റിംഗ് നിരയും ബൗളിംഗ് നിരയും ഒരുപോലെ ശക്തമാണ്. ബാറ്റിങ് നിരയിൽ വെടിക്കെട്ട് പ്രകടനങ്ങളുമായി ബട്‍ലറും സഞ്ജുവും ഹെറ്റ്മെയറും സ്കോർ ബോർഡിൽ ആവേശം നിറയ്ക്കുമ്പോൾ, ട്രെന്റ് ബോൾട്ട്, പ്രസിദ്ധ് കൃഷ്ണ, നവദീപ് സെയ്നി, ആർ അശ്വിൻ, യുസ്‍വേന്ദ്ര ചഹൽ എന്നിവരുൾപ്പെട്ട ബൗളിംഗ് നിരയും മത്സരത്തിന് ആവേശം കൂട്ടുമെന്നുറപ്പ്.
Read also: തൃശൂരിൽ നിന്നും ഗ്രാമി പുരസ്കാരവേദിയിലേക്ക്; ഇത് മനോജ് ജോർജിന്റെ രണ്ടാം ഗ്രാമി അവാർഡ്
അതേസമയം ആദ്യ മത്സരത്തിൽ റോയൽ ചലഞ്ചേഴ്സ് ബാംഗ്ലൂർ, പഞ്ചാബിനോദ് തോറ്റെങ്കിലും പിന്നീട് കൊൽക്കത്തയ്‌ക്കെതിരെ ടീം വിജയം ഉറപ്പിച്ചിരുന്നു. നായകൻ ഡുപ്ലെസി, വിരാട് കോലി, ദിനേശ് കാർത്തിക്, വാനിന്ദു ഹസരംഗ എന്നിവരാണ് ടീമിലെ ശക്തമായ താരങ്ങൾ.
രാജസ്ഥാന്‍ റോയല്‍സ് ടീം : Sanju Samson, Jos Buttler, Yashasvi Jaiswal, R Ashwin, Trent Boult, Shimron Hetmyer, Devdutt Padikkal, Prasidh Krishna, Yuzvendra Chahal, Riyan Parag, KC Cariappa, Navdeep Saini, Obed McCoy, Anunay Singh, Kuldeep Sen, Karun Nair, Dhruv Jurel, Tejas Baroka, Kuldip Yadav, Shubham Garhwal, Jimmy Neesham, Nathan Coulter-Nile, Rassie van der Dussen, Daryl Mitchell.
റോയല്‍ ചലഞ്ചേഴ്സ് ബാംഗ്ലൂര്‍ ടീം: Virat Kohli, Glenn Maxwell, Mohammed Siraj, Faf du Plessis, Harshal Patel, Wanindu Hasaranga, Dinesh Karthik, Anuj Rawat, Shahbaz Ahamad, Akash Deep, Josh Hazlewood, Mahipal Lomror, Finn Allen, Sherfane Rutherford, Jason Behrendorff, Suyash Prabhudessai, Chama Milind, Aneeshwar Gautam, Karn Sharma, Siddharth Kaul, Rajat Patidar, David Willey.
Story highlights: ipl-2022 Rajasthan royals vs royal challengers Bangalore
