മനോജ് കെ ജയന് വേണ്ടി മനോഹര ഗാനം ആലപിച്ച് ഷാഫി- വിഡിയോ 
സംഗീത പാരമ്പര്യമുള്ള കുടുംബത്തിൽ ജനിച്ച് അഭിനയലോകത്തേക്ക് എത്തിയ താരമാണ് മനോജ് കെ ജയൻ. കുട്ടൻ തമ്പുരാനും, ദിഗംബരനുമൊക്കെ മനോജ് കെ ജയന്റെ വേറിട്ട അഭിനയ പാടവങ്ങൾ മലയാളികൾ കണ്ടു. ഇന്നും പഴയ ചുറുചുറുക്കോടെ സജീവമാണ് താരം. സമൂഹമാധ്യമങ്ങളിലൂടെ ആരാധകരുമായി സ്ഥിരമായി വിശേഷങ്ങൾ പങ്കുവയ്ക്കാറുള്ള മനോജ് കെ ജയൻ ഫ്‌ളവേഴ്‌സ് സ്റ്റാർ മാജിക് വേദിയിലും അതിഥിയായി എത്താറുണ്ട്.
ചിരിവേദിയിൽ എത്തിയ മനോജ് കെ ജയനായി മനോഹരമായ ഒരു ഗാനം ആലപിച്ചിരിക്കുകയാണ് കൊല്ലം ഷാഫി. കൈയടികളോടെയാണ് സ്റ്റാർ മാജിക് വേദി ഷാഫിയുടെ പാട്ട് ഏറ്റെടുത്തത്. മനസിലെന്നും പ്രണയത്തിന്റെ കുളിർമഴ പൊഴിയ്ക്കുന്ന ഗാനങ്ങളുമായി ആസ്വാദക ഹൃദയങ്ങളിൽ ചേക്കേറിയ ഗായകനാണ് കൊല്ലം ഷാഫി. മാപ്പിളപ്പാട്ടിനെ ഹൃദയത്തോട് ചേർത്ത ഷാഫി ഇപ്പോൾ സ്റ്റാർ മാജിക് വേദിയിലെ പ്രിയ താരമാണ്.
മുൻപും സ്റ്റാർ മാജിക് എന്ന പ്രോഗ്രാമിൽ അതിഥിയായി മനോജ് കെ ജയൻ എത്തിയിരുന്നു. സീനിയേഴ്സ് എന്ന ചിത്രത്തിൽ മനോജ് കെ ജയനും ജയറാമുമെല്ലാം ഒന്നുചേർന്ന് ചുവടുവെച്ച ഗാനത്തിനൊപ്പമായിരുന്നു താരത്തിന്റെ എൻട്രി. ഗാനത്തിനൊപ്പം ചടുലമായ ചുവടുകളുമായപ്പോൾ മനോജ് കെ ജയൻ സ്റ്റാർ മാജിക് വേദിക്ക് പകർന്നത് വാനോളം ആവേശമാണ്.
Read Also: ഒറ്റനോട്ടത്തിൽ ആവിപാറുന്ന ഫിൽട്ടർ കോഫി; ശ്രദ്ധിച്ചുനോക്കിയാൽ മറ്റൊന്ന്- അമ്പരപ്പിച്ചൊരു ചിത്രം
അതേസമയം, നിരവധി സിനിമകളുമായി സജീവമാകുകയാണ് മനോജ് കെ ജയൻ. ‘സല്യൂട്ട്’ എന്ന ചിത്രത്തിൽ മനോജ് കെ ജയൻ ദുൽഖർ സൽമാനൊപ്പം വേഷമിടുന്നുണ്ട്. റോഷൻ ആൻഡ്രൂസ് ആണ് ചിത്രം സംവിധാനം ചെയ്യുന്നത്. ബോബി, സഞ്ജയ് എന്നിവർ ചേർന്നാണ് രചന നിർവഹിച്ചിരിക്കുന്നത്. ചിത്രം റിലീസിന് ഒരുങ്ങുകയാണ്.
Story highlights- Shafi sings a beautiful song for Manoj K Jayan
