‘അമ്മേ ഭഗവതി അന്നപൂർണ്ണേശ്വരി..’; പാട്ടുവേദിയിൽ ശ്രീഹരിയുടെ വിസ്മയ പ്രകടനം- വിഡിയോ
മത്സരാവേശവുമായി സജീവമാകുകയാണ് മലയാളികളുടെ പ്രിയപ്പെട്ട പരിപാടിയായ ഫ്‌ളവേഴ്‌സ് ടോപ് സിംഗർ. പ്രായാസമേറിയ ഗാനങ്ങളാണ് ഇപ്പോൾ കുഞ്ഞു ഗായകർ പാട്ടുവേദിയിലേക്ക് എത്തിക്കുന്നത്. മത്സരവേദിയിലെ മിടുക്കന്മാരിൽ ഒരാളാണ് ശ്രീഹരി. പാലക്കാട് സ്വദേശിയായ ശ്രീഹരി വേറിട്ട പാട്ടുകൾ വേദിയിലേക്ക് എത്തിക്കുന്നതിൽ വളരെയധികം ശ്രദ്ധാലുവാണ്.
ഇപ്പോഴിതാ, അമ്മേ ഭഗവതി അന്നപൂർണ്ണേശ്വരി..’ എന്ന മനോഹരമായ ഗാനം ആലപിച്ച് എത്തിയിരിക്കുകയാണ് ഈ കുഞ്ഞു മിടുക്കൻ. പാടി ഫ്‌ളവേഴ്‌സ് ടോപ് സിംഗർ വേദിയിൽ ഭക്തി ലഹരി നിറയ്ക്കുകയാണ് ശ്രീഹരി. വിധികർത്താക്കൾ ഒന്നടങ്കം അമ്പരന്ന ആലാപനത്തിനൊടുവിൽ എം ജയചന്ദ്രൻ പറഞ്ഞ കമന്റും ശ്രദ്ധേയമാകുകയാണ്. ജന്മനാ ജ്ഞാനമുള്ള ഗായകനാണ് ശ്രീഹരി എന്നാണ് അദ്ദേഹം പറഞ്ഞത്.
ഫ്‌ളവേഴ്‌സ് ടോപ് സിംഗർ സീസൺ 2-ൽ ഏറ്റവുമധികം ആരാധകരുള്ള ഗായകനാണ് ശ്രീഹരി. പാലക്കാട് സ്വദേശിയായ ശ്രീഹരി കലാഭവൻ മണിയുടെ ഗാനങ്ങൾ അതിമനോഹരമാക്കിയതിലൂടെയാണ് പാട്ടുവേദിയിൽ ശ്രദ്ധേയനായത്. പിന്നീട് വൈവിധ്യമാർന്ന പാട്ടുകളിലൂടെയും വിനയത്തിലൂടെയും ആസ്വാദകരുടെ ഹൃദയം കീഴടക്കുകയായിരുന്നു ശ്രീഹരി. പാലക്കാടിന്റെയും പാട്ടുവേദിയുടെയും മണിമുത്ത് എന്നാണ് ശ്രീഹരി അറിയപ്പെടുന്നത്.
Read Also: കുഞ്ഞ് സഹോദരിയെ മടിയിൽ കിടത്തി ക്ലാസിൽ പങ്കെടുക്കുന്ന പത്ത് വയസുകാരി, ഹൃദ്യം ഈ വിഡിയോ
ഓരോ പാട്ടും അങ്ങേയറ്റം മികവോടെ വേദിയിൽ എത്തിക്കാൻ എപ്പോഴും ശ്രദ്ധിക്കാറുണ്ട് ശ്രീഹരി. കലാഭവൻ മണിയുടെ ഗാനങ്ങൾ ആലപിക്കാൻ ശ്രീഹരിക്ക് ഒരു പ്രത്യേക കഴിവാണ്.പാട്ടുകാരനൊപ്പം ഒരു അഭിനേതാവും ശ്രീഹരിയിലുണ്ട് എന്ന് വേദി തിരിച്ചറിഞ്ഞിരുന്നു.
Story highlights- Sreehari sings Amme Bhagavathi annapoorneswari
