പ്രഭുദേവയുടെ മാസ്റ്റർപീസ് ചുവടുകളുമായി ഒരു വയോധികൻ- കയ്യടിക്കാതിരിക്കാനാകില്ല ഈ പ്രകടനത്തിന്!
വാർധക്യത്തെ ആഘോഷമാക്കുന്നവരാണ് ഇന്ന് അധികവും. സാഹസികതകളിലൂടെയും യാത്രകളിലൂടെയുമെല്ലാം സന്തോഷം കണ്ടെത്താൻ ഇവർ ശ്രമിക്കുന്നു. പ്രായത്തിന്റെ പരിമിതികൾ മാറ്റിവെച്ച് ഇവർ ജീവിതം ആഘോഷമാക്കുന്നത് കാണുന്നവരിലും സന്തോഷം പകരുന്നുണ്ട്. എന്നാൽ സന്തോഷവും അത്ഭുതവും ഒരുപോലെ വിരിയിക്കുന്ന ഒരു കാഴ്ചയാണ് ഇപ്പോൾ സമൂഹമാധ്യമങ്ങളിൽ തരംഗമായിരിക്കുന്നത്. ഒരു വയോധികന്റെ തകർപ്പൻ നൃത്ത പ്രകടനമാണ് ശ്രദ്ധ നേടുന്നത്.
‘ ചിക്കു ബുക്കു റെയിലെ..’ എന്ന ഗാനത്തിലെ പ്രഭുദേവയുടെ കിടിലൻ നൃത്ത ചുവടുകൾ വളരെയധികം ഹിറ്റാണ്. കാലങ്ങളായി ഈ ചുവടുകൾ അനുകരിക്കുന്നവരുണ്ട്. ഇപ്പോഴിതാ, ഈ നൃത്തച്ചുവടുകൾ അവതരിപ്പിക്കുന്ന ഒരു വൃദ്ധന്റെ വിഡിയോ സമൂഹമാധ്യമങ്ങളിൽ ഹിറ്റായി മാറിയിരിക്കുകയാണ്.
രാജ് കുമാർ എന്നയാളാണ് ഇൻസ്റ്റഗ്രാമിൽ വിഡിയോ പങ്കുവെച്ചിരിക്കുന്നത്. വിഡിയോയിൽ, 1993-ൽ പുറത്തിറങ്ങിയ ജെന്റിൽമാൻ എന്ന ചിത്രത്തിലെ ആകർഷകമായ ഗാനത്തിന് രമേഷ് അണ്ണ എന്ന് വിളിപ്പേരുള്ള പേരുള്ള വൃദ്ധൻ ചുവടുകൾ വയ്ക്കുന്നത് കാണാം. ലുങ്കിയും ധരിച്ച ഷർട്ടും ധരിച്ച് ഇദ്ദേഹം മികച്ച പ്രകടനം കാഴ്ചവെച്ചു.
Read Also; ബി ഉണ്ണികൃഷ്ണൻ ഒരുക്കുന്ന ത്രില്ലർ ചിത്രത്തിൽ നായകനായി മമ്മൂട്ടി; എത്തുന്നത് പൊലീസ് വേഷത്തിൽ
ഒട്ടേറെ ആളുകളാണ് വിഡിയോക്ക് കമന്റ് ചെയ്തത്. 80 വയസ്സ് പിന്നിട്ട ഒരു വൃദ്ധ നൃത്തം ചെയ്യുന്ന കാഴ്ചയും അടുത്തിടെ ശ്രദ്ധേയമായിരുന്നു. പരമ്പരാഗത രീതിയിൽ നീല സാരി ധരിച്ച ഒരു മുത്തശ്ശി ആരും ഇന്നുവരെ കാണാത്ത രീതിയിൽ ചുവടുവയ്ക്കുകയാണ്. പുഷ്പ എന്ന ചിത്രത്തിലെ സാമി സാമി എന്ന ഗാനത്തിനാണ് മുത്തശ്ശി ചുവടുവയ്ക്കുന്നത്. രസകരമായ വിഡിയോ ഇൻസ്റ്റാഗ്രാമിൽ നിരവധി ആളുകളെ നന്നായി രസിപ്പിക്കുകയും ചെയ്തു.
Story highlights- Elderly man recreates Prabhu Deva’s killer dance steps
