ഹിറ്റ് ബോളിവുഡ് ഗാനം ‘കേസരിയാ..’ മലയാളത്തിൽ പാടി ഹിഷാം അബ്ദുൽ വഹാബ്- സന്തോഷം പങ്കുവെച്ച് സംഗീതജ്ഞൻ
രൺവീർ കപൂറും ആലിയ ഭട്ടും നായികാനായകന്മാരായ ചിത്രമാണ് ബ്രഹ്മാസ്ത്ര. ചിത്രത്തിന്റെ ഒന്നാമ ഭാഗമായ ശിവയിലെ മനോഹരമായ ഗാനമാണ് ‘കേസരിയാ’. ഗാനം പൂർണമായും പ്രേക്ഷകരിലേക്ക് എത്തിയത് കഴിഞ്ഞ ദിവസമാണ്. ആർജിത് സിംഗാണ് ഈ ഗാനം ആലപിച്ചിരിക്കുന്നത്. യുട്യൂബിൽ ഇതിനോടകം ഹിറ്റായി മാറിയ ഗാനം മലയാളത്തിൽ ആലപിക്കുന്നത് സംഗീതജ്ഞനായ ഹിഷാം അബ്ദുൽ വഹാബ് ആണ്.
‘ഹൃദയം’ എന്ന ചിത്രത്തിലെ ഹൃദയസ്പർശിയായ ഗാനങ്ങൾ ചിട്ടപ്പെടുത്തിയതിലൂടെ പ്രശസ്തനായ ഹിഷാം അബ്ദുൾ വഹാബ്, സിദ് ശ്രീറാമിനൊപ്പമാണ് ഗാനത്തിന് മലയാളം പതിപ്പ് ആലപിച്ചിരിക്കുന്നത്. ‘കുങ്കുമമാകേ’ എന്ന് ആരംഭിക്കുന്ന ഗാനത്തിന് ‘കേസരിയ’ എന്ന ഒറിജിനൽ ഗാനത്തിന്റെ ഭംഗി നിലനിർത്താൻ കഴിഞ്ഞു. ടീമിനൊപ്പം പ്രവർത്തിച്ച അനുഭവം പങ്കുവെച്ചിരിക്കുകയാണ് ഹിഷാം അബ്ദുൽ വഹാബ്. “വൈറൽ ആയ കേസരിയ ഗാനത്തിന്റെ മലയാളം പതിപ്പ് ആലപിച്ചതിൽ വളരെ സന്തോഷമുണ്ട്.. പ്രീതം സർ! എന്നെ ബോർഡിൽ ഉൾപ്പെടുത്തിയതിന് നന്ദി സർ, നിങ്ങളോടൊപ്പം പ്രവർത്തിക്കുന്നത് വളരെ മികച്ചതായിരുന്നു.. നിങ്ങൾ എന്നെ ആദ്യമായി വിളിച്ചപ്പോൾ എനിക്കുണ്ടായ വികാരം ഇപ്പോഴും ഓർക്കുന്നു.. നിങ്ങളുടെ സംഗീതം എല്ലായ്പ്പോഴും ഒരു പ്രചോദനവും അതിന്റെ ഭാഗമാകുന്നതിൽ സന്തോഷവുമുണ്ട് ‘.
പ്രീതം ഈണം പകർന്ന ഈ ഗാനത്തിന്റെ മലയാളം വരികൾ എഴുതിയിരിക്കുന്നത് ശബരീഷ് വർമ്മയാണ്. ഒരു ഫാന്റസി സാഹസിക ചിത്രമായ ‘ബ്രഹ്മാസ്ത്ര ഒന്നാം ഭാഗം: ശിവ’, മൂന്നുഭാഗങ്ങളിലായി ഇറങ്ങുന്ന ചിത്രങ്ങളുടെ ആദ്യ ഭാഗമാണ്. ചിത്രത്തിൽ രൺബീർ കപൂർ, ആലിയ ഭട്ട്, അമിതാഭ് ബച്ചൻ, നാഗാർജുന, മൗനി റോയ് എന്നിവർ പ്രധാന വേഷങ്ങളിലുണ്ട്. ചിത്രത്തിന്റെ ട്രെയിലർ അടുത്തിടെ ലോഞ്ച് ചെയ്തു, അതിൽ രൺബീർ കപൂറിനെ ശിവനായി അവതരിപ്പിക്കുകയും ഒരു ഡിജെയിൽ നിന്ന് പ്രപഞ്ചം തന്നിൽ നൽകിയിരിക്കുന്ന ശക്തി തിരിച്ചറിയുന്നതിലേക്കുള്ള അദ്ദേഹത്തിന്റെ യാത്രയും പങ്കുവയ്ക്കുന്നു. ലോകമെമ്പാടുമുള്ള പ്രേക്ഷകരിൽ നിന്ന് ട്രെയിലറിന് വൻ പ്രതികരണമാണ് ലഭിക്കുന്നത്, കൂടാതെ ഗാനവും പ്രേക്ഷകരിൽ ഇടം നേടി.
Story highlights- hesham has crooned the Malayalam version of kesariya
