സുഹൃത്തിന് പാചക പാഠങ്ങൾ പകർന്ന് മോഹൻലാൽ- വിഡിയോ
ഒരു അസാധ്യ നടൻ, നർത്തകൻ, ഗായകൻ എന്നിവയുടെയെല്ലാം മലയാളികളെ വിസ്മയിപ്പിച്ച താരമാണ് മോഹൻലാൽ. സംവിധാനത്തിലേക്കും ചുവടുവെച്ച മോഹൻലാലിൻറെ കഴിവുകൾ അവിടെയും അവസാനിക്കുന്നില്ല. ഒരു അസാധാരണ പാചകക്കാരൻ കൂടിയാണ് മോഹൻലാൽ. ഭക്ഷണപ്രിയനാണ്, എന്നതിലുപരി പാചകം ചെയ്യാൻ ഇഷ്ടപ്പെടുന്നു അദ്ദേഹം. ഒട്ടേറെ വിഭവങ്ങൾ സഹതാരങ്ങൾക്കായി മോഹൻലാൽ തയ്യാറാക്കുന്നതിന്റെ വിഡിയോയും ചിത്രങ്ങളും അടുത്തിടെയായി ശ്രദ്ധനേടാറുണ്ട്.
ഇപ്പോഴിതാ, മോഹൻലാലിൻറെ പ്രിയ സുഹൃത്തുക്കളിൽ ഒരാളായ സമീർ ഹംസ, അദ്ദേഹത്തിന്റെ വിവിധ പാചകങ്ങൾ ഒന്നിച്ചാക്കി ഒരു വിഡിയോ പങ്കുവെച്ചിരിക്കുകയാണ്. ഇന്റർനാഷണൽ ഷെഫ് ദിനത്തിൽ ആയിരുന്നു അദ്ദേഹം വിഡിയോ പങ്കുവെച്ചത്. “ഈ അന്താരാഷ്ട്ര ഷെഫ് ദിനത്തിൽ ഞങ്ങളുടെ മാസ്ട്രോ എനിക്ക് പെട്ടെന്ന് പാചകം ചെയ്യാനുള്ള പാഠങ്ങൾ നൽകുന്നു” എന്ന അടിക്കുറിപ്പോടെയായിരുന്നു വിഡിയോ.
READ ALSO: ഉടമയുടെ മരണാനന്തര ചടങ്ങിൽ നൊമ്പരത്തോടെ തൊട്ടുവണങ്ങി ഒരു കുരങ്ങൻ- ഉള്ളുതൊടുന്ന കാഴ്ച
മോഹൻലാൽ ആവേശമുള്ള ഒരു പാചകക്കാരനാണ് എന്ന് ഇതിനോടകം പ്രേക്ഷകർക്ക് അറിയാം. പലപ്പോഴും കുടുംബത്തിനും സുഹൃത്തുക്കൾക്കും വേണ്ടി പാചകം ചെയ്യുന്ന താരത്തിന്റെ വിഡിയോ ശ്രദ്ധനേടിയിട്ടുണ്ട്. അതേസമയം, യുകെയിൽ ‘റാം’ എന്ന ചിത്രത്തിന്റെ ഷൂട്ടിംഗ് ലൊക്കേഷനിലും നടൻ പാചകം ചെയ്തിരുന്നു. ഷൂട്ടിംഗ് ഇടവേളയിൽ, സഹതാരങ്ങളായ ഇന്ദ്രജിത്ത് സുകുമാരൻ, സംയുക്ത മേനോൻ എന്നിവർക്ക് വേണ്ടി അദ്ദേഹം പാചകക്കാരനായി മാറി. അവർക്കായി അദ്ദേഹം വാഗ്യു ബീഫ് പാകം ചെയ്തു. ഇന്ദ്രജിത്ത് പാചകത്തിന്റെ വിഡിയോ പങ്കുവെച്ചിരുന്നു.
Story highlights- mohanlal cooking video
