പഴയ പ്രഭാസ് വീണ്ടുമെത്തുന്നു; സലാറിലെ ലുക്ക് വൈറലാവുന്നു
ഇന്ത്യൻ സിനിമ പ്രേക്ഷകർ വലിയ പ്രതീക്ഷയോടെ കാത്തിരിക്കുന്ന ചിത്രമാണ് ‘സലാർ.’ വമ്പൻ ഹിറ്റായ കെജിഎഫിന്റെ സംവിധായകൻ പ്രശാന്ത് നീൽ ഒരുക്കുന്ന ചിത്രമായതിനാൽ ദൃശ്യവിസ്‌മയം തന്നെയാരിക്കും ചിത്രമെന്നാണ് ആരാധകർ പ്രതീക്ഷിക്കുന്നത്.
ഇപ്പോൾ പ്രഭാസിന്റെ പിറന്നാൾ ദിനത്തിൽ പ്രശാന്ത് നീലും ഹോംബാലെ ഫിലിംസും പങ്കുവെച്ച പ്രഭാസിന്റെ ചിത്രങ്ങളാണ് വൈറലാവുന്നത്. സലാറിലെ താരത്തിന്റെ ലുക്ക് പങ്കുവെച്ചു കൊണ്ടാണ് സംവിധായകനും നിർമ്മാതാക്കളും പ്രഭാസിന് പിറന്നാളാശംസകൾ നേർന്നത്. വലിയ പ്രശംസയാണ് ആരാധകർ പ്രഭാസിന്റെ ലുക്കിന് നൽകുന്നത്.
Time for the Rebel to Revel up 🌋
— Salaar (@SalaarTheSaga) October 23, 2022
Wishing our one and only Violent Man, #Prabhas a very Happy Birthday.#Salaar #HappyBirthdayPrabhas pic.twitter.com/QS700euJJ9
The person who dreamt incomprehensibly big n transcended boundaries of language, culture n cinema to achieve a global appeal. To the man with an unparalleled following, wishing u long life n success.
— Hombale Films (@hombalefilms) October 23, 2022
To our Paramount 🌟 #Prabhas a very Happy B’day.#HappyBirthdayPrabhas #Salaar pic.twitter.com/O4s1XANjCi
നേരത്തെ സലാറിലെ നടൻ പൃഥ്വിരാജ് സുകുമാരന്റെ ക്യാരക്ടർ പോസ്റ്റർ അണിയറ പ്രവർത്തകർ പങ്കുവെച്ചിരുന്നു. വരദരാജ മന്നാര്‍ എന്ന കഥാപാത്രത്തെയാണ് പൃഥ്വിരാജ് അവതരിപ്പിക്കുന്നത്. കറുത്ത ഗോപിക്കുറിയണിഞ്ഞ് കഴുത്തിലും മൂക്കിലുമെല്ലാം ആഭരണങ്ങള്‍ അണിഞ്ഞ് ഒരു വില്ലന്‍ ഛായയിലാണ് ഫസ്റ്റ് ലുക്കില്‍ പൃഥ്വിരാജിനെ കാണാൻ കഴിയുന്നത്.
അതേ സമയം സലാറിന്റെ റിലീസ് തീയതി നേരത്തെ തന്നെ പുറത്തു വിട്ടിരുന്നു. 2023 സെപ്റ്റംബർ 28 ന് ലോകത്താകമാനം ചിത്രം റിലീസ് ചെയ്യുമെന്നാണ് ഹോംബാലെ ഫിലിംസ് സമൂഹമാധ്യമങ്ങളിലൂടെ അറിയിച്ചത്. ചിത്രത്തിന്റെ പോസ്റ്റർ പങ്കുവെച്ചു കൊണ്ടാണ് നിർമ്മാതാക്കൾ റിലീസ് തീയതി അറിയിച്ചത്. പ്രഭാസ് ഇരട്ട വേഷത്തിലാണ് ചിത്രത്തിൽ അഭിനയിക്കുന്നതെന്നാണ് സൂചന. രണ്ട് കാലഘട്ടങ്ങളിൽ നടക്കുന്ന കഥകളിൽ വ്യത്യസ്‌തമായ രണ്ട് റോളുകളിലാണ് പ്രഭാസെത്തുന്നത് എന്നാണ് പുറത്തു വരുന്ന റിപ്പോർട്ടുകൾ സൂചിപ്പിക്കുന്നത്. നേരത്തെ ബാഹുബലിയിലും പ്രഭാസ് ഡബിൾ റോളിലെത്തിയിരുന്നു.
Read More: വിക്രമിനൊപ്പം പാർവതിയും മാളവികയും- ‘തങ്കളാൻ’ ടൈറ്റിൽ വിഡിയോ
സലാറിൽ താനും പൃഥ്വിരാജും ഒന്നിച്ച് അഭിനയിക്കുന്നുണ്ടെന്ന് പ്രഭാസ് തന്നെയാണ് സമൂഹമാധ്യമങ്ങളിലൂടെ നേരത്തെ അറിയിച്ചത്. മികച്ചൊരു നടനാണ് അദ്ദേഹമെന്നും പൃഥ്വിരാജിനൊപ്പം അഭിനയിക്കാൻ അവസരമൊരുക്കിയ അണിയറപ്രവർത്തകർക്ക് നന്ദിയുണ്ടെന്നും പ്രഭാസ് പറഞ്ഞു. ഇന്ത്യ, യൂറോപ്പ്, മിഡില്‍ ഈസ്റ്റ്, ആഫ്രിക്ക എന്നിവടങ്ങളിലായിരിക്കും സലാറിന്റെ ചിത്രീകരണം നടക്കുന്നത്.
Story Highlights: Prabhas new look goes viral
