ഒന്നിച്ച് 12 ബിയർ മഗ്ഗുകൾ എടുത്ത് യുവതി- കൗതുക കാഴ്ച
അമ്പരപ്പിക്കുന്ന കാഴ്ചകളുടെ കലവറയാണ് സമൂഹമാധ്യമങ്ങൾ. അവിശ്വസനീയമെന്നു തോന്നുന്ന നിരവധി കാഴ്ചകൾ ഇങ്ങനെ ശ്രദ്ദേയമാകാറുണ്ട്. ഇപ്പോഴിതാ, അത്തരത്തിലൊരു കാഴ്ച കൗതുകം സൃഷ്ടിക്കുകയാണ്. ഒരു യുവതി 12 ബിയർ മഗ്ഗുകൾ ഒരേസമയം കയ്യിലേന്തി നടക്കുന്ന വിഡിയോയാണ് ഇത്. വലിയ ബിയർ മഗ്ഗുകളാണ് ഇത്. ഇപ്പോൾ വൈറലായ വിഡിയോ പ്യൂബിറ്റി എന്ന പേജാണ് ഇൻസ്റ്റഗ്രാമിൽ പങ്കുവെച്ചിരിക്കുന്നത്.
ഒരു റെസ്റ്റോറന്റിൽ പരിചാരികയായ യുവതി ചില ബിയർ മഗ്ഗുകൾ ഒരുമിച്ച് അടുക്കിവെക്കുന്നത് കാണാം. നിമിഷങ്ങൾക്കുള്ളിൽ, അവർ 12-ലധികം മഗ്ഗുകൾ എല്ലാം അടുക്കിവെച്ച് ഒന്നിച്ച് എടുത്തുകൊണ്ട് ഉപഭോക്താക്കളുടെ അടുത്തേക്ക് പോകുന്നത് കാണാം. “അവർക്ക് എന്ത് പ്രതിഫലം നൽകിയാലും മതിയാകില്ല,” വിഡിയോയുടെ കുറിപ്പ് ഇങ്ങനെ. ഒട്ടേറെ ആളുകൾ ഈ വിഡിയോ ഏറ്റെടുത്തു.
Read Also: സംസ്ഥാനത്ത് മഴ തുടരും, 9 ജില്ലകളിൽ യെല്ലോ അലർട്ട്
അതേസമയം, അടുത്തിടെ 735 മുട്ടകൾ തലയിൽ ബാലൻസ് ചെയ്ത് ഒരാൾ ഗിന്നസ് റെക്കോർഡ് നേടിയിരുന്നു. ഏറ്റവും കൂടുതൽ മുട്ടകൾ തൊപ്പിയിൽ ചുമന്നുകൊണ്ട് ഗിന്നസ് റെക്കോർഡിൽ ഇടംപിടിച്ചത് പടിഞ്ഞാറൻ ആഫ്രിക്കയിലെ ബെനിനിൽ നിന്നുള്ള ഗ്രിഗറി ഡാ സിൽവയാണ്. 735 മുട്ടകളാണ് ഇയാൾ തൊപ്പിയിൽ ബാലൻസ് ചെയ്തത്.
Story highlights- Waitress picks up over 12 beer mugs at once
