‘വളരെ മനോഹരവും ഉന്മേഷദായകവുമായ ചിത്രം’; അഭിനന്ദനവുമായി കാർത്തിക് സുബ്ബരാജ്- നന്ദിയറിയിച്ച് മമ്മൂട്ടി

ലിജോ ജോസ് പെല്ലിശ്ശേരിയുടെ സംവിധാനത്തിൽ അടുത്തിടെ പുറത്തിറങ്ങിയ ‘നൻപകൽ നേരത്ത് മയക്കം’ എന്ന ചിത്രത്തിലെ മമ്മൂട്ടിയുടെ പ്രകടനം വളരെയധികം പ്രശംസനേടിയിരുന്നു. ഇപ്പോൾ ജനപ്രിയ തമിഴ് സംവിധായകൻ കാർത്തിക് സുബ്ബരാജ് ‘നൻപകൽ നേരത്ത് മയക്കം’ എന്ന ചിത്രത്തെ പ്രശംസിച്ച് രംഗത്ത് എത്തിയിരിക്കുകയാണ്. ചിത്രം വളരെ മനോഹരവും ഉന്മേഷദായകവുമാണെന്ന് അദ്ദേഹം ട്വിറ്ററിൽ കുറിച്ചു.

മമ്മൂട്ടി നായകനായ ചിത്രം കണ്ടതിന് ശേഷം കാർത്തിക് സുബ്ബരാജ് തന്റെ ഔദ്യോഗിക ട്വിറ്റർ ഹാൻഡിൽ അഭിനന്ദന കുറിപ്പ് പങ്കുവെച്ചു. ‘നൻപകൽ നേരത്ത് മയക്കം’ എന്ന ചിത്രത്തിന്റെ പോസ്റ്റർ പങ്കുവെച്ചുകൊണ്ട് സംവിധായകൻ എഴുതിയ കുറിപ്പ് ഇങ്ങനെയായിരുന്നു, ‘നൻപകൽ നേരത്തുമയക്കം വളരെ മനോഹരവും ഉന്മേഷദായകവുമാണ്. മമ്മൂക്ക സാർ വളരെ ഗംഭീരമായിരുന്നു. തിയേറ്ററുകളിൽ ലിജോയുടെ മാജിക് കാണാതെ പോകരുത്…’- അദ്ദേഹം കുറിക്കുന്നു.

തന്റെ ഔദ്യോഗിക ഇൻസ്റ്റാഗ്രാം പേജിൽ കാർത്തിക് സുബ്ബരാജിനോടുള്ള നന്ദി പങ്കുവെച്ചുകൊണ്ട് മമ്മൂട്ടി ഒരു കുറിപ്പ് എഴുതി, “നിങ്ങൾക്ക് ഞങ്ങളുടെ സിനിമ ഇഷ്ടപ്പെട്ടതിൽ സന്തോഷം. നന്ദി.”

#NanpakalNerathuMayakkam is So Beautiful and Refreshing 👌👌@mammukka sir was so awesome 🙏🏼🙏🏼

Pls don't miss Lijo's Magic in theatres… @mrinvicible & whole cast n crew 👏👏 pic.twitter.com/SNnXrLdawM

— karthik subbaraj (@karthiksubbaraj) January 27, 2023

Read Also: “സിനിമയിൽ ഈ കൂട്ടായ്‌മ മാത്രമേ വിജയിച്ചിട്ടുള്ളു..”; ശ്രദ്ധേയമായ നിരീക്ഷണവുമായി ജഗദീഷ്

അതേസമയം, മമ്മൂട്ടിയുടെ ‘നൻപകൽ നേരത്ത് മയക്കം’ സിനിമാ പ്രേമികളിൽ നിന്ന് മികച്ച റിപ്പോർട്ടുകൾ നേടുന്നു. കൂടാതെ കേരള ബോക്‌സ് ഓഫീസിൽ ആദ്യ ദിനം തന്നെ 93 ലക്ഷം രൂപ നേടിയതായി റിപ്പോർട്ടുകളുമുണ്ട്. ഒരു ഓഫ് ബീറ്റ് സിനിമയായിട്ടും കുടുംബ പ്രേക്ഷകരിൽ നിന്ന് മികച്ച പ്രതികരണമാണ് ചിത്രം നേടുന്നത്. ലിജോ ജോസ് പെല്ലിശ്ശേരിയുടെ സംവിധാനവും മമ്മൂട്ടിയുടെ പ്രകടനവും ചിത്രത്തിന്റെ പ്രധാന ആകർഷണങ്ങളാണ്.

Story highlights- Karthik Subbaraj lauds Mammootty’s ‘Nanpakal Nerathu Mayakkam’