ചുവരുകളും കട്ടിലും മേശയുമെല്ലാം നിർമിച്ചിരിക്കുന്നത് പുസ്തകങ്ങളാൽ; ഇത് പുസ്തക വീട്
കൗതുകങ്ങൾ സൃഷ്ടിക്കാനായി നിർമിക്കപ്പെട്ടുന്ന വീടുകളുണ്ട്. അത്തരത്തിലൊന്നാണ് കാസ-ഡെൽ-ലിബ്രോ-അൽപാഗോ ബെല്ലുനോ പ്രവിശ്യയിലെ ഒരു കുഞ്ഞ് വീട്. ഇവിടുത്തെ പച്ചപുതച്ച അൽപാഗോ പർവതനിരകളിൽ സ്ഥിതി ചെയ്യുന്ന സാന്റ് അന്ന ഡി താംബ്രെയിൽ പൂർണ്ണമായും പുസ്തകങ്ങളാൽ നിർമ്മിച്ച ഒരു ചെറിയ വീടുണ്ട്. കണ്ടാൽ ഒരു യക്ഷികഥയിലേത് എന്ന മട്ടിലാണ് ഈ വീട് നിർമിച്ചിരിക്കുന്നത്. ഈ അത്ഭുതകരമായ കലാസൃഷ്ടി പ്രശസ്ത വെനീഷ്യൻ ശിൽപിയായ ലിവിയോ ഡി മാർച്ചിയുടെ സൃഷ്ടിയാണ്. മരപ്പണിയുടെ അനിഷേധ്യമായ വൈഭവം എടുത്തുകാട്ടുന്നു ഈ വീട്.
1990ലാണ് ഈ പുസ്തകങ്ങളുടെ വീട് സൃഷ്ടിക്കപ്പെട്ടത്. പൂർണ്ണമായും മരം കൊണ്ട് നിർമ്മിച്ച അസാധാരണമായ വീട് വളരെയധികം പേരുകേട്ടതാണ്. വീടിന്റെ മേൽക്കൂര ഒരു ഫൗണ്ടൻ പേനയുടെ ആകൃതിയിലുള്ള ചിമ്മിനിയോടുകൂടിയ ലളിതവും ഭീമാനായ ഒരു തുറന്ന പുസ്തക മാതൃകയിലാണ്. പുറം ഭിത്തികൾ നിരവധി തടിയിൽ കൊത്തിയ അടുക്കിവെച്ച പുസ്തകങ്ങൾ കൊണ്ടാണ് നിർമ്മിച്ചിരിക്കുന്നത്, പ്രവേശന കവാടമായി ഒരു വലിയ ജോടി കണ്ണടകൾ കൊണ്ട് അടയ്ക്കുന്ന നിറമുള്ള പെൻസിലുകളുടെ ഒരു വേലിയോട് കൂടിയാണ്.
ഈ വീടിനുള്ളിലെ ഫർണിച്ചറുകൾ എല്ലാം വായനയുടെ തീം തുടരുന്നു. കട്ടിൽ ഒരു വലിയ തുറന്ന പുസ്തകമായി നിർമിച്ചിരിക്കുന്നു. അതിന്റെ അലമാരയിൽ ചെറിയ പുസ്തകങ്ങൾ അടുക്കിയിരിക്കുന്നു. സ്റ്റൗവും അടുപ്പും തീർച്ചയായും ഒരു പുസ്തകത്തിന്റെ ആകൃതിയിലാണ്, കൂടാതെ ഡൈനിംഗ് ടേബിൾ, കസേരകൾ, വിഭവങ്ങൾ പോലും.
Story highlights- THE HOUSE MADE OF BOOKS
