കൂട്ടുകാരന് അയച്ചത് 2000 രൂപ; അക്കൗണ്ടിലേക്ക് വന്നത് 753 കോടി; ഞെട്ടി യുവാവ്!!
തമിഴ്നാട്ടിലെ ഒരു ടാക്സി ഡ്രൈവറുടെ അക്കൗണ്ടിലേക്ക് ഒന്‍പതിനായിരം കോടി രൂപ നിക്ഷേപിച്ചത് ഈ അടുത്ത് ഏറെ വാർത്തകളിൽ നിറഞ്ഞു നിന്നിരുന്നു. തൊട്ടുപിന്നാലെ വീണ്ടും അങ്ങനെ ഒരു വാർത്ത റിപ്പോർട് ചെയ്തിരിക്കുകയാണ്. മുഹമ്മദ് ഇദ്രിസ് എന്ന ഫാര്‍മസി ജീവനക്കാരന്റെ അക്കൗണ്ടിലാണ് ഇത്തവണ 753 കോടി വന്നത്. സ്വന്തം ബാങ്ക് ബാലന്‍സ് കണ്ട് അദ്ദേഹം തന്നെ ഞെട്ടിപോയി. (Chennai man finds Rs 753 crore in own account)
വെള്ളിയാഴ്ചയാണ് സംഭവം നടക്കുന്നത്. കൂട്ടുകാരന് രണ്ടായിരം രൂപ അയച്ചു നല്‍കിയതിനു ശേഷം അക്കൗണ്ടിലെ ബാലൻസ് പരിശോധിച്ചപ്പോഴാണ് മുഹമ്മദ് ഇദ്രിസ് ഇത് കണ്ടത്. തനിക്ക് തെറ്റിയതാണെന്ന് കരുതി ഇദ്രിസ് പലതവണ ബാലൻസ് ചെക്ക് ചെയ്തു. തെറ്റിയിട്ടില്ലെന്ന് മനസിലായതോടെ ബാങ്കില്‍ വിളിച്ച് കാര്യം അറിയിക്കുകയും ബാങ്ക് ഉദ്യോഗസ്ഥർ സംഭവം പരിശോധിക്കുകയും ചെയ്തു.
Read Also: ബി ഉണ്ണികൃഷ്ണൻ ഒരുക്കുന്ന ത്രില്ലർ ചിത്രത്തിൽ നായകനായി മമ്മൂട്ടി; എത്തുന്നത് പൊലീസ് വേഷത്തിൽ
കൊട്ടക് മഹീന്ദ്ര ബാങ്കിന്റെ അക്കൗണ്ടിലാണ് കോടികളെത്തിയത്. മുഹമ്മദിന്റെ അക്കൗണ്ട് മരവിപ്പിച്ചിരിക്കുകയാണ്. ഇത് മൂന്നാം തവണയാണ് തമിഴ്നാട്ടില്‍ സാധാരണക്കാരുടെ അക്കൗണ്ടിലേക്ക് കോടികള്‍ നിക്ഷേപിക്കപ്പെടുന്നത്.
Story highlights- Chennai man transfers Rs 2,000 to friend, finds Rs 753 crore in own account
