ഇനി വസ്ത്രം വാങ്ങും മുൻപ് കൃഷ്ണമണിയുടെ നിറംകൂടി നോക്കണം; പുതിയ പഠനം
ഒരാൾ വസ്ത്രം തെരഞ്ഞെടുക്കുന്നത് എപ്പോഴും അവരുടെ ശരീര ഘടനയോ സ്‌കിൻ ടോണോ ഒക്കെ അടിസ്ഥാനമാക്കിയാണ്. ഒരാൾ ധരിക്കുന്ന വസ്ത്രം അയാളിലെ ഒരുപാട് കാര്യങ്ങളുടെ പ്രതിഫലനം കൂടിയാണ്.എന്നാൽ, ഇപ്പോഴിതാ, വസ്ത്രങ്ങൾ തെരഞ്ഞെടുക്കുമ്പോൾ അവ അനുയോജ്യമായിരിക്കാൻ നിങ്ങളുടെ കൃഷ്ണമണിയുടെ നിറം കൂടി പരിഗണിക്കേണ്ടതുണ്ട് എന്നാണ് പുതിയൊരു പഠനം പറയുന്നത്.
“സൈക്കോളജി- സൗന്ദര്യശാസ്ത്രം, സർഗ്ഗാത്മകത, കലകൾ’ എന്ന ജേണലിൽ അടുത്തിടെ പ്രസിദ്ധീകരിച്ച ഒരു പഠനമനുസരിച്ച്, തികഞ്ഞ വസ്ത്രധാരണത്തെ ഏകോപിപ്പിക്കുന്നതിനുള്ള ഏറ്റവും ശക്തമായ ഘടകമാണിത്.(Match your clothes to your eyes if you want to look your best)
സെന്റ് ആൻഡ്രൂസ് സർവകലാശാലയിലെ ഗവേഷകർ വ്യത്യസ്‌തമായ ചർമ്മ ടോണുകളും മുടിയുടെ നിറവും കണ്ണുകളുടെ നിറവും ഉള്ള 200-ഓളം ആളുകളിൽ നിന്ന് ഏറ്റവും മികച്ചതായി കാണപ്പെടുന്ന ഷേഡുകൾ നിർണ്ണയിക്കാൻ ഒരു വോട്ടെടുപ്പ് നടത്തി.മോഡലുകളുടെ കളറിംഗിന്റെ ചിത്രങ്ങളിൽ മാറ്റം വരുത്തിയ ശേഷം, ആശ്ചര്യകരമെന്നു പറയട്ടെ, ഒരാളുടെ നിറമല്ല, കണ്ണിന്റെ നിറമാണ് മികച്ച വസ്ത്രം തിരഞ്ഞെടുക്കുന്നതിനുള്ള ഏറ്റവും ശക്തമായ ഘടകം എന്ന് പഠനം സ്ഥാപിച്ചു.
Read also: “രോഗികളുടെ എണ്ണം ഉയര്‍ന്ന നിരക്കില്‍”; ഡെങ്കിപ്പേടിയില്‍ കേരളം!!
സെന്റ് ആൻഡ്രൂസ് സർവകലാശാലയുടെ നേതൃത്വത്തിലുള്ള സ്‌കൂൾ ഓഫ് സൈക്കോളജി ആൻഡ് ന്യൂറോ സയൻസിലെ ഗവേഷകരുടെ നേതൃത്വത്തിൽ നടത്തിയ പഠനം, ഒരു വ്യക്തിയുടെ കണ്ണിന്റെ നിറമാണ് അവർക്ക് അനുയോജ്യമായ വസ്ത്രത്തിന്റെ നിറം നിർണ്ണയിക്കുന്നതെന്ന് ശാസ്ത്രീയമായി തെളിയിച്ചിരിക്കുകയാണ്.
Read also: ഇന്ത്യന്‍ ക്രിക്കറ്റ് ഇതിഹാസം ബിഷൻ സിംഗ് ബേദി അന്തരിച്ചു
ചാരനിറത്തിലോ ഇളംനീല നിറത്തിലോ കണ്ണുകൾ ഉള്ളവർക്ക് നീലയുടെ വ്യത്യസ്ത ഷേഡുകളിലുള്ള വസ്ത്രങ്ങളും ഇരുണ്ട ബ്രൗൺ നിറത്തിൽ കണ്ണുകൾ ഉള്ളവർക്ക് ഓറഞ്ചിന്റെയും ചുവപ്പിന്റെയും ഷേഡുകൾ യോജിക്കുമെന്നും പഠനം കണ്ടെത്തി. മുൻപ്, ഒരാളുടെ ശരീരത്തിന്റെ നിറമാണ് വസ്ത്രധാരണത്തിൽ പ്രധാനം എന്ന് കണ്ടെത്തിയിരുന്നു. അതാണ്‌ ഇപ്പോൾ തിരുത്തപ്പെട്ടിരിക്കുന്നത്.
Story highlights- Match your clothes to your eyes if you want to look your best
