എഴുപതിലും ചുറുചുറുക്കിന്റെ ചുവടുമായി ‘അമ്മ; വിഡിയോ പങ്കുവെച്ച് ഹൃത്വിക് റോഷൻ
നടൻ ഹൃത്വിക് റോഷൻ തന്റെ അമ്മ പിങ്കി റോഷന് ജന്മദിന ആശംസകൾ നേർന്ന് പങ്കുവെച്ച വിഡിയോ വൈറലായി മാറിയിരിക്കുകയാണ്. ജിമ്മിനുള്ളിൽ നൃത്തം ചെയ്യുന്ന അമ്മയുടെ വിഡിയോയാണ് ഹൃതിക് റോഷൻ പോസ്റ്റ് ചെയ്തത്. ഇൻസ്റ്റാഗ്രാമിൽ, തന്റെ ആശംസകൾ പങ്കുവെച്ചുകൊണ്ട് എഴുതിയ അടിക്കുറിപ്പിൽ താരം എഴുതുന്നതിങ്ങനെ.., “ചാപ്ലിൻ പറഞ്ഞു,ശരിക്കും ചിരിക്കാനും നിങ്ങളുടെ വേദന സഹിച്ച് കളിക്കാനും പഠിക്കൂ’ അമ്മേ, ഇത് ഞാൻ നിങ്ങളിൽ നിന്ന് പഠിക്കുന്നു 🙂 എഴുപതാം ജന്മദിനാശംസകൾ എന്റെ സൂപ്പർമോം! നിങ്ങളെപ്പോലെ ആരുമില്ല! ഇതാ ഇപ്പോൾ ആരംഭിച്ച ഒരു സാഹസിക യാത്ര!! ഞാൻ അമ്മയെ അങ്ങേയറ്റം സ്നേഹിക്കുന്നു…എല്ലാവരും നോക്കൂ, കൈയ്യടിക്കുക’.
വിഡിയോയിൽ, “ഞാൻ ജിമ്മിൽ പ്രവേശിച്ചപ്പോൾ, സംഗീതം ഓണാണ്, അതായത് എന്റെ അമ്മ നൃത്തം ചെയ്യുന്നുണ്ടാകണം’ എന്നാണ് ഹൃതിക് റോഷൻ പറയുന്നത്. അച്ഛൻ രാകേഷ് റോഷനും വിഡിയോയിൽ കമന്റ് ചെയ്തു, ‘ഹാപ്പിനസ് നന്നായി ക്യാപ്‌ചർ ചെയ്തു, ഇനി വിശദീകരിക്കേണ്ടതില്ല.’
അതേസമയം, സെയ്ഫ് അലി ഖാനും രാധിക ആപ്‌തേയ്‌ക്കുമൊപ്പം വിക്രം വേദ എന്ന ക്രൈം ത്രില്ലർ ചിത്രത്തിലാണ് ഹൃത്വിക് അവസാനമായി അഭിനയിച്ചത്. തന്റെ വരാനിരിക്കുന്ന ചിത്രമായ ഫൈറ്ററിൽ ദീപിക പദുക്കോൺ, അനിൽ കപൂർ എന്നിവർക്കൊപ്പമാണ് അദ്ദേഹം അഭിനയിക്കുന്നത്. ഇന്ത്യയിലെ ആദ്യത്തെ ഏരിയൽ ആക്ഷൻ ചിത്രമായാണ് ഫൈറ്റർ അറിയപ്പെടുന്നത്.
കരൺ സിംഗ് ഗ്രോവർ, അക്ഷയ് ഒബ്‌റോയ് എന്നിവരും ഫൈറ്ററിന്റെ ഭാഗമാണ്. അത് 2024 ജനുവരി 2 ന് തിയേറ്ററുകളിൽ എത്തും. ഫൈറ്ററിന് പുറമേ, ജൂനിയർ എൻടിആർ, കിയാര അദ്വാനി എന്നിവർക്കൊപ്പം വാർ 2ലും ഹൃത്വിക് അഭിനയിക്കും.
Story highlights- hrithik roshan shares cute video of his mother
