കൂട്ടുകാരുടെ എനർജി ഇത്തിരി കുറഞ്ഞാലും സാരമില്ല, ഫുൾ പവറിലാണ് ഈ മിടുക്കന്റെ ഡാൻസ്- വിഡിയോ
ആദ്യമായി സ്റ്റേജിൽ കയറാൻ ഭയക്കാത്തവർ ചുരുക്കമാണ്. ആൾക്കൂട്ടത്തെ അഭിമുഖീകരിക്കാൻ ഭയന്ന് കലാപരിപാടികളിൽ നിന്നും സ്‌കൂൾകാലത്ത് തന്നെ അകന്നു നിന്നവരും ധാരാളമാണ്. എന്നാൽ അസാധ്യമായ ആത്മവിശ്വാസമുള്ള കുഞ്ഞുങ്ങളും ധാരാളമുണ്ട്. ഇപ്പോഴിതാ, അത്തരത്തിൽ ഒരു മിടുക്കൻ ആണ് ശ്രദ്ധനേടുന്നത്.
ജങ്കിൾ ക്രൂയിസ് ക്യാപ്റ്റനെ പോലെ വേഷം ധരിച്ചാണ് ഈ കുഞ്ഞുമിടുക്കാൻ നൃത്തം ചെയ്യുന്നത്. കുട്ടിയുടെ ഡാൻസ് ശ്രദ്ധനേടുന്നത് രസകരമായ നീക്കങ്ങളിലൂടെയാണ്. സ്റ്റേജിൽ ധാരാളം കുട്ടികൾ മുൻപ് പരിശീലിച്ച നൃത്തം അവതരിപ്പിക്കാൻ ഒന്നിച്ച് എത്തിയതാണ്. എന്നാൽ എല്ലാവരും മടിയും ചമ്മലും കാരണം ഒതുങ്ങി നിൽകുമ്പോൾ ആരെയും കൂസാതെ ചടുലമായി ചുവടുവയ്ക്കുകയാണ് ഈ മിടുക്കൻ.
Read also: ‘ധോണി പ്രേമം’ വിനയായി; ഡല്‍ഹിയില്‍ സ്‌കൂള്‍ വിദ്യാര്‍ഥിക്ക് സസ്‌പെന്‍ഷന്‍
അതേസമയം, കുഞ്ഞുങ്ങളുടെ രസകരമായ ചിത്രങ്ങൾക്കും വിഡിയോകൾക്കുമൊക്കെ സോഷ്യൽ ഇടങ്ങളിൽ വലിയ സ്വീകാര്യതയാണ് ലഭിക്കാറുള്ളത്. കൊച്ചുകുട്ടികളുടെ വീഡിയോ പലപ്പോഴും നമ്മളെ ചിരിപ്പിക്കുകയും ചിന്തിപ്പിക്കുകയും ചെയ്യും. കുഞ്ഞുങ്ങളുടെ നിഷ്കളങ്കതയും കുസൃതിയുമൊക്കെ കണ്ടിരിക്കാൻ തന്നെ രസമാണ്. സമൂഹ മാധ്യമങ്ങൾ സജീവമായതോടെ കുട്ടികളുടെ വീഡിയോ വളരെയധികം ശ്രദ്ധിക്കപ്പെടുന്നുമുണ്ട്.
Story highlights- powerful dance performance by a kid
